Daily Roshni News

’اسٹیبلشمنٹ سے براہ راست مذاکرات خوش آئند‘، بیرسٹر گوہر نے آرمی چیف سے ملاقات کی تصدیق کردی

اسلام آباد: تحریک انصاف کے چیئرمین بیرسٹر گوہر نے آرمی چیف سے ملاقات کی تصدیق کردی۔

اڈیالہ جیل کے کمراہ عدالت میں صحافیوں سے گفتگو کرتے ہوئے بیرسٹر گوہر نے کہا کہ میری اور علی امین گنڈا پور کی آرمی چیف سے ملاقات علیحدگی میں ہوئی، آرمی چیف کے سامنے پی ٹی آئی کے تمام معاملات اور مطالبات رکھے ہیں، اپنے تمام مسائل آرمی چیف کے سامنے رکھے ہیں۔

انہوں نے کہا کہ آرمی چیف سے ملاقات میں ملکی استحکام کے حوالے سے تمام امور پر بات چیت ہوئی، ملاقات میں دوسری طرف سے بھی مثبت جواب ملا ہے، اسٹیبشلمنٹ سے براہ راست مذاکرات خوش آئند ہیں، امید ہے اب صورت حال بہتر ہوجائے گی۔

واضح رہےکہ چیئرمین تحریک انصاف نے گزشتہ روز آرمی چیف سے ملاقات کی تردید کی تھی۔

Loading