تمہاری ماں ،، ماں بننے والی ہے
ہالینڈ(ڈیلی روشنی نیوز انٹرنیشنل )تمہاری ماں ،، ماں بننے والی ہے۔۔۔۔۔۔میری ماں تو پہلے ہی ماں ہیں۔۔۔۔منہ میں گلاب جامن رکھنے سے پہلے وہ بولا۔۔۔۔۔ جیسے ہی پورا گلاب جامن منہ میں گیا۔۔۔۔۔سیکنڈوں میں ہی وہ احمد کی بات کو سمجھ گیا۔۔۔۔۔جو خاموش کھڑا اس کے چہرے کے تاثرات دیکھ رہا تھا اور پلر کی اوٹ میں کھڑی زنیرہ کا دل چاہا کہ زمین پھٹے اور وہ اس میں سما جائے۔۔۔۔۔۔۔۔ التمش نے پہلے تو کھا جانے والی نظروں سے احمد کی طرف دیکھا۔۔۔۔۔ سکون نہیں تھا نا تمہاری زندگی میں۔۔۔۔۔ پورا گلاب جامن کھانے کے بعد آخر کار وہ بول اٹھا۔۔۔۔۔ کیا کریں بھلے تھوڑا دیر سے شادی کی ہے۔۔مگر محبت کی شادی ہے۔۔۔بھلے محبت کی شادی ہے اپنی عمر کا ہی لحاظ رکھ لیتے بزرگ آدمی۔اپنے لیے اس لقب وہ تلملا اٹھا مگر صبر کا کڑوا گھونٹ بھرنے میں ہی عافیت تھی۔۔۔۔ایسا کیوں بول رہے ہو۔۔۔۔ خود تو تمہارے ایک ہی بار میں اتنے بچے ہیں اور میں ایک بھی نہ پیدا کروں۔۔ یہ تو کہیں کا انصاف نہیں ہے۔۔۔۔ احمد نے بھی ڈھٹائی کی حد کر دی۔۔۔۔۔ کہاں ہے میری ماں۔۔۔۔۔ جیسے ہی اس نے زنیرہ کے بارے میں پوچھا۔۔۔۔ زنیرہ کے اوسان ہی خطا ہو گئے۔۔۔۔وہ چاہتی تھی کہ احمد اس کا پتہ نہ دے۔۔۔۔۔ وہ کھڑی ہے پلر کے پیچھے۔۔۔۔۔ تمہارے سامنے آنے سے جھجک محسوس کر رہی ہے۔۔۔۔۔ کل رات سے رو رہی ہے کہ پتہ نہیں اس کا بیٹا کیا بولے گا۔۔۔۔۔ کیا سمجھے گا۔۔۔۔۔ یہ تو تمہیں سوچنا چاہیے تھا یہ میری ماں کیوں سوچ رہی ہے۔۔۔۔۔ التمش نے اسے نیچے سے اوپر کی طرف دیکھ کر دوبارہ تھوڑا شرمندہ کرنے کی کوشش کی۔۔۔۔ مگر وہ بھلا کہاں شرمندہ ہونے والا تھا۔فخر سے سر اٹھا کر کھڑا رہا۔۔۔جیسے کوئی بہت بڑا کارنامہ سر انجام دے دیا ہو۔۔۔۔۔۔اسے وہیں پر چھوڑ کر التمش زنیرہ کے پاس آگیا۔۔۔۔۔ماں یہاں پر کیوں کھڑی ہیں۔۔۔۔۔ وہ زور سے آنکھیں میچ کر،، اپنے کانوں پر ہاتھ رکھے،، خرگوش کی طرح خود کو محفوظ سمجھ رہی تھی۔۔۔۔۔جبکہ ایسا تو ہرگز نہیں تھا۔۔۔۔۔۔ماں ایسے کیوں کھڑی ہیں التمش نے اس کے دونوں ہاتھوں کو پکڑ کر نیچے کیا۔۔۔۔۔ تو وہ نظر جھکا کر کھڑی رہی۔۔۔۔۔بولنے کے لیے لفظ ہی نہیں تھے۔۔۔۔۔ کتنی خوشی کی بات ہے۔۔۔۔۔ میں ہمیشہ سے چاہتا تھا میرا کوئی بھائی یا بہن ہو۔۔۔۔۔مگر مجھے نہیں پتہ تھا اتنا بڑا ہونے کے بعد،، اتنے سالوں کے بعد بھی،، میری یہ حسرت پوری ہو جائے گی۔۔۔۔۔ میں بہت خوش ہوں۔۔۔۔۔زنیرہ نے ایک جھٹکے سے سر اٹھا کر اس کی طرف دیکھا کہ شاید وہ اس پر طنز کر رہا ہو۔۔۔۔۔ مگر نہ تو اسکے لہجے میں طنز کی کوئی رمق تھی اور نہ ہی چہرے پر ایسی کوئی پرچھائی ۔۔۔۔۔بلکہ وہ مسکرا رہا تھا اور اس کی مسکراہٹ میں سچائی واضح تھی۔۔۔۔۔ زنیرا نے حیرت سے احمد کی طرف دیکھا۔۔۔۔ جس نے حامی میں سر ہلا کر مسکراتے ہوئے اسے تسلی دی۔۔۔۔۔ساری رات وہ اسے سمجھا رہا تھا کہ کوئی بھی اوور ری ایکٹ نہیں کرے گا۔۔۔۔۔مگر زنیرہ کو اس کی بات پر یقین نہیں آیا۔۔۔ لیکن اب جب اپنی آنکھوں سے دیکھ رہی تھی،، تو دل کو کچھ تسلی ہوئی۔۔۔۔۔التمش نے تو کچھ بھی نہیں بولا تھا۔۔۔۔۔اب عدنان کی باری تھی۔۔۔۔۔تبھی عدنان بھی وہاں آگیا۔۔۔۔ جس طرح التمش کے کانوں میں احمد نے سارا سچ گوش گزار کیا،، ویسے ہی عدنان کو بھی خوش خبری کا بتایا۔۔۔۔۔ ڈیڈ آپکو پتہ ہے کل میری شادی ہوئی ہے۔۔۔۔۔عدنان نے بھی اسے کچھ شرم دلانے کی کوشش کی۔۔۔۔۔ہاں تو پھر دو دو خوشخبریاں ہو گئی ،،کل تمہاری شادی ہوئی ہے۔۔۔۔آج تم بھائی بننے والے ہو،، اسمیں مسئلہ تھوڑی نہ ہے،،، تمہیں تو خوش ہونا چاہیے اس خوشی میں تم ڈبل رس گلے یا پھر گلاب جامن لے سکتے ہو۔۔۔۔۔۔رہنے دیں۔۔۔مجھے آپ سے کوئی لینا دینا نہیں ہے۔۔۔۔ آپ تو ہیں ہی بے شرم۔۔۔۔۔ مجھے پتہ نہیں کس بات کا درس دے رہے تھے۔۔۔۔۔ میں اپنی ماں کے پاس جا رہا ہوں۔۔۔۔۔اُسکی بات پہ احمد نے دانٹ کچکچاۓ۔۔۔میری بات سنو تمہاری ماں بھی جہیز میں بچے نہیں لے کر آئی۔۔۔۔ میری وجہ سے ہی ہوئے ہیں۔۔۔۔۔آپ اپنا کام کریں۔۔ماں نہ ہوتی تو میں دیکھتا ،، کونسی ہوا میں بچے پیدا کردیتے آپ۔۔۔۔۔۔۔ عدنان انہیں سخت سست سنا کر زنیرہ کے پاس آگیا۔۔۔۔اس وقت وہ دونوں ہی زنیرہ کے قریب کھڑے ہو کر اپنی خوشی کا اظہار کر رہے تھے۔۔۔۔۔احمد نے غصے سے مٹھیاں بھینچ لیں۔۔۔۔مجھے دونوں نے سنایا اور جا کر دونوں اپنی ماں کی دل جوئی کر رہے ہیں۔۔۔۔۔ میرا تو جیسے کوئی وجود ہی نہیں ہے۔۔۔۔ کیا میں اتنا بیکار ہوں۔۔۔۔۔ اس نے آسمان کی طرف دیکھ کر خدا سے شکوہ کیا۔۔۔۔ جب کہ اس کی ایسی حالت دیکھ کر زنیرہ کو ہنسی آئی۔۔۔۔
