حُسین مولا شہیدِ اعظم سلام میرا قبول سائیں

ہالینڈ(ڈیلی روشنی نیوز انٹرنیشنل )حُسین مولا شہیدِ اعظم سلام میرا قبول سائیں

تمام عالم یہ کہہ رہا ہے سلام ابنِ رَسول سائیں

سِحابِ رحمت وَجود تیرا تُو فخرِ آلِ رَسول سائیں

تُو شاہِ حیدر کے گھر کی رونق تُو چینِ زہرا بتول سائیں

میں دشتِ عِصیاں کا خار ٹھہرا تُو باغِ جنت کا پھول سائیں

حُسین مولا شہیدِ اعظم سلام میرا قبول سائیں

تمام عالم یہ کہہ رہا ہے سلام ابنِ رَسول سائیں

شَعورِ اِنسانیت کا مَحور تُو عزم و ہمت وَفا کا پیکر

تُو قُدسیانِ فَلک کا کعبہ تُو صبر و صدق و صفا کا سایہ

ہے حُکمِ ذِبْحٍ عَظِيم شاہد تُو اس کی شانِ نزول سائیں

حُسین مولا شہید اعظم سلام میرا قبول سائیں

تمام عالم یہ کہہ رہا ہے سلام ابن رسول سائیں

تِرے کرم کا لئے سَہارا پَڑا ہے دَر پر یہ سَگ تُمہارا

نہ غَم ہو تیرا تو پاس کیا ہے بَجر تُمہارے یہ داس کیا ہے ؟

نَواز ڈالو اسے بھی مولا بِجاہِ زہرا بتول سائیں

حُسین مولا شہیدِ اعظم سلام میرا قبول سائیں

تمام عالم یہ کہہ رہا ہے سلام ابن رسول سائیں

سُخن جُدا ہے چَلن نِرالا تُو شَب کی ظُلمت میں اِک اُجالا

زَمینِ کرب و بلا گواہ ہے تو جانثاروں کی قبلہ گاہ ہے

حبیبِ کمتر کے سر کا سہرا تمہارے پاؤں کی دُھول سائیں

حُسین مولا شہیدِ اعظم سلام میرا قبول سائیں

تمام عالم یہ کہہ رہا ہے سلام ابنِ رَسول سائیں

صَلَّی اللّٰهُ عَلٰی حَبِیْبِهٖ مُحَمَّدٍ وَّآلِهٖ وَسَلَّمْ

اللهم صل على سيدنا محمد النبي الأمي

وعلى آلہ وازواجہ واھل بیتہ واصحٰبہ وبارك وسلم

اللھم ربنّا آمینِ

السَّلامُ عَلى الحُسَيْنِ وَعَلى عَلِيِّ بْنِ الحُسَيْنِ وَعَلى أَوْلادِ الحُسَيْنِ وَعَلى أَصْحابِ الحُسَيْنِ علیہ السلام