سعودی عرب میں ذوالحجہ کا چاند نظر آگیا

سعودی عرب میں ذوالحجہ کا چاند نظر آگیا ہے اور عیدالاضحیٰ 16 جون کو ہوگی۔

عرب میڈیا کے مطابق حج کا رکن اعظم  وقوف عرفہ ہفتہ 15 جون جب کہ عیدالاضحیٰ اتوار 16 جون کو ہوگی۔

ادھر سلطنت عمان میں ذوالحجہ کا چاند نظر نہیں آیا، سلطنت عمان میں یکم ذوالحجہ 8 جون اورعید الاضحٰی 17 جون کوہوگی۔

دوسری جانب  پاکستان میں مرکزی رویت ہلال کمیٹی کا اجلاس کل(جمعہ) ہوگا، محکمہ موسمیات کے مطابق کل پاکستان میں ذو الحجہ کا چاند نظر آنےکا قوی امکان ہے۔

مرکزی رویت ہلال کمیٹی کا اجلاس مولانا عبدالخبیرآزاد کی صدارت میں محکمہ موسمیات کی عمارت میں ہوگا۔