ظلمت کی خیر ہو
شاعر۔۔۔شہزاد تابش
اس دور پر فریب میں الفت کے نام پر
قلب و نظر سے جھانکتی نفرت کی خیر ہو
سعئ بقائے ارتقا ہمت کی خیر ہو
ہر منکر رب القضا جرأت کی خیر ہو
نکلے ہیں سب ہی مسلکی پرچم لیے ہوئے
تدوین دین مصطفیٰ حرمت کی خیر ہو
شیشہ بدن ہے اور ہے شعلہ بیان بھی
اس پر ہجوم سنگ زن عبرت کی خیر ہو
مفلس کو ایک لقمۂ گندم کی ہے طلب
قصر و محل میں بے بہا نعمت کی خیر ہو
خورشیدِ نو ہے منتظر شب کی فصیل پر
سہمی سسکتی چار سُو ظلمت کی خیر ہو
رکھتا نہیں ہےشہرمیں کاندھوں پہ سرکوئی
چہرہ شناس آئنہ حیرت کی خیر ہو
بازارِ جسم و جان میں بکتی ہوئی حیات
دست حصولِ سیم و زر عجلت کی خیر ہو
اس دور پر فریب میں الفت کے نام پر
قلب و نظر سے جھانکتی نفرت کی خیر ہو
رو بہ زوال جسم سے رخصت بھی چاہیے
چلتے ہیں سوئے کبریا ہجرت کی خیر ہو
تابشِ ہوا کے نام ہے تازہ غزل مری
باد بہار نو تری فرحت کی خیر ہو
شہزاد تابشِ
لاھور
پاکستان
