عالمی انسانی حقوق کے دن کی مناسبت سے IAPJ کی
آن لائن خصوصی نشست، مہوش ظفر، وسیم بٹ ، جاوید عظیمی،
عظیم ڈار، ذکا اللہ محسن اور حافظ عمران نے علمی، فکری
خطابات سے انسانی حقوق کو اُجاگر کیا — !!
ہالینڈ(ڈیلی روشنی نیوز انٹر نیشنل نیوز ڈیسک ) انسانی حقوق کے عالمی دن کے حوالے سے صحافیوں کی بین الاقوامی تنظیم IAPJ کا ایک اہم اجلاس انعقاد پزیر ہوا. جس میں شرکاء نے اپنی راۓ کا بھرپور اظہار کرتے ہوۓ انسانی حقوق کی پامالیوں کی روک تھام کو ضروری قرار دیا. انھوں نے بھارت کی جانب سے نہتے اور معصوم کشمیریوں پر نصف صدی سےزائد جبروتشدد اور قتل وغارت گری پر تشویش ظاہر کی. فلسطین میں اسرائیلی جارحیت کو انسانیت کے خلاف گھناؤنے اقدام پر افسوس کا اظہار کیا. برما میں روہنگیا کی معصوم عوام انسانیت سوز مظالم سہنے پر مجبور ہیں انہیں روکا جاۓ.اجلاس میں تنظیمی امور پر بھی تبادلہ خیال کیا گیا کہ انٹرنیشنل ایسوسی ایشن آف پاکستانی جرنلسٹس فورم کا پلیٹ فارم دنیا بھر میں جہاں کہیں بھی انسانیت کے خلاف مظالم ہونگے انکی روک تھام کےلیے کلیدی اقدام اٹھاۓ گا.ویبنار میں جنرل سیکرٹری مہوش ظفر،وسیم بٹ،عظیم ڈار،جاوید عظیمی، حافظ عمران،ذکاءاللہ محسن سمیت دیگر ممبران شریک تھے. شرکاء کی جانب سے عالمی حقوق کے دن کی اہمیت پر روشنی ڈالتے ہوئے اراکین IAPJ نے دنیا میں موجود ہر شخص کے حقوق کے تحفظ کو یقینی بنانے کی ضرورت پر زور دیا. انھوں نے کہا کہ دنیا کے طاقتور ممالک ترقی پذیر ممالک کی عوام کے حقوق کا استحصال کر رہے ہیں. جنہیں روکنا ہر شخص کی ذمہ داری ہے.ویبینار میں اقوام متحدہ کے چارٹرڈ کے مطابق انسانی حقوق کی پامالیوں کی روک تھام کو ناگزیر قرار دیتے ہوۓ دنیا بھر کے ممالک کی عوام کو یکساں حقوق سے آراستہ کیا جائے آن لائن اجلاس میں تنظیمی امور پر بھی گفتگو کی گئی جس میں گزشتہ تین سالوں کے دوران IAPJ نے نمایاں کردار ادا کرتے ہوۓ دنیا بھر میں پھیلے صحافیوں کو ایک پلیٹ فارم پر متحد کیا.جو صحافتی اقدار کو فروغ دے رہا ہے اور صحافیوں کی آواز بن کر انکے حقوق کو اجاگر کرنے کے لیے کوشاں ہے IAPJ نے ہمیشہ اصلاحی،معلوماتی اور مختلف موضوعات پر مبنی پروگراموں کا انعقاد کرکے جہاں لوگوں کو آگاہی فراہم کی ہے وہیں متعلقہ حکام کو بھی حالات سے آگاہ کیا ہے اجلاس میں آئندہ تنظیم کے الیکشن پر بھی غور کیا گیا. اجلاس کے اختتام پر جاوید عظیمی نے دعا خیر کرائی اور یوں مختصر وقت کے بعد آن لائن اجلاس اختتام پزیر ہوا۔
