برطانوی نشریاتی ادارے بی بی سی کے  اپنے ہی 100 سے  زائد ملازمین نے ادارے کی رپورٹنگ پر شدید تحفظات کا اظہار  کردیا۔

 بی بی سی کے اپنے ہی 100 سے زائد ملازمین نے ادارے پر فلسطین کے خلاف  ہونے اور اسرائيل کے حق میں تعصب  برتنےکا الزام عائد کیا ہے۔

بی بی سی کے100 سے زائد  ملازمین کے علاوہ میڈیا انڈسٹری سے وابستہ  300 سے  زائد شخصیات نے بھی ادارے کی اعلیٰ قیادت کو خط لکھا ہے۔

عرب میڈیا کے  مطابق  خط میں فلسطین سے تعصب، سنسرشپ  اور  اسرائیلی حکومت و فوج کی پبلسٹی کرنےکا الزام عائدکیا گیا ہے۔

خاص طور  پر  بی بی سی کی جانب سے’غزہ: میڈکس انڈر فائر‘ دستاویزی فلم نشر نہ کرنے کے فیصلےکو  تنقیدکا نشانہ بنایا گیا ہے اور  اسے سیاسی ایجنڈے پر مبنی اقدام قرار دیا گیا ہے۔

خط میں کہا گیا ہےکہ بی بی سی کی رپورٹنگ  ادارے کے اپنے ادارتی معیارات پر بھی پوری نہیں اترتی،  اور ناظرین زمینی حقائق  اور کوریج میں نمایاں فرق محسوس کر رہے ہیں۔

خط میں مزیدکہا گیا کہ فلسطینیوں کے خلاف جنگ میں برطانوی حکومت کی شمولیت، ہتھیاروں کی فروخت اور  قانونی پہلوؤں پر بی بی سی نے کوئی سنجیدہ تجزیہ پیش نہیں کیا۔

خط پر دستخط کرنے والے تمام ملازمین نے شناخت ظاہر کیے بغیر احتجاج ریکارڈ کرایا  ہے جب کہ معروف اداکار خالد عبداللہ اور میریام مارگولیس بھی حمایت کرنے والوں میں شامل ہیں۔