۔۔۔۔۔۔ یادگار غزل  ۔۔۔۔۔۔۔

شاعر  ۔۔۔۔۔۔۔۔۔ ساحر ہوشیار پوری

کون کہتا ہـے محبت کی زباں ہوتی ہے

یہ حقیقت تو نگاہوں سے بیاں ہوتی ہے

وہ نہ آئے تو ستاتی ہـے خلش سی دل کو

وہ جو آئے تو خلش اور جواں ہوتی ہـے

روح کو شاد کرے دل کو جو پر نور کرے

ہر نظارے میں یہ تنویر کہاں ہوتی ہـے

ضبط سیلاب محبت کو کہاں تک روکے

دل میں جو بات ہو آنکھوں سے عیاں ہوتی ہـے

زندگی ایک سلگتی سی چتا ہے ساحرؔ

شعلہ بنتی ہـے نہ یہ بجھ کے دھواں ہوتی ہـے

 ساحرؔ ہوشیارپوری