اسلام میں خواتین کو ایک بلند مقام اور عزت دی گئی ہے، جو کسی بھی دوسرے مذہب یا معاشرتی نظام میں ان کی قدر و اہمیت کو نہیں ملتی۔چوہدری انصر اقبال بسراء
ہالینڈ(ڈیلی روشنی نیوز انٹرنیشنل)”آج کے دن جب ہم خواتین کی عظمت اور ان کے کردار کو تسلیم کرتے ہیں، تو ہمیں یاد رکھنا چاہیے کہ اسلام نے خواتین کو جو مقام دیا ہے وہ دنیا کے کسی بھی نظام سے بڑھ کر ہے۔ ایک ماں، بیٹی، بہن، اور بیوی کے روپ میں آپ کا کردار معاشرتی، اقتصادی اور روحانی طور پر انتہائی اہم ہے۔ آپ کی قربانیاں، محنت، اور محبت ہی ہمارے معاشرے کو مضبوط بناتی ہیں۔
اسلام میں خواتین کی عزت اور احترام کو بہت زیادہ اہمیت دی گئی ہے۔ آپ کی موجودگی نہ صرف ہمارے گھروں بلکہ پورے معاشرے کی فلاح و بہبود کا باعث ہے۔ آپ کی مسکراہٹ میں سکون، آپ کے الفاظ میں محبت اور آپ کی ہر حرکت میں اخلاص ہوتا ہے۔
خواتین کے عالمی دن پر میں یہ دعا گو ہوں کہ اللہ تعالیٰ آپ کو ہمیشہ اپنی حفاظت میں رکھے، آپ کی زندگی کو خوشیوں اور کامیابیوں سے بھر دے، اور آپ کے ہر قدم میں کامیابی کی منزل ہو۔ آپ کی محنت اور عزم کا ہر پہلو ہمارے لیے ایک سبق ہے، اور آپ کی جدوجہد سے یہ دنیا مزید روشن ہو رہی ہے۔
خواتین کی عظمت کو سمجھنا، ان کا احترام کرنا اور ان کے حقوق کا خیال رکھنا ہم سب پر فرض ہے۔ اس دن کے موقع پر میں آپ کو دل کی گہرائیوں سے مبارکباد پیش کرتا ہوں اور دعا گو ہوں کہ اللہ آپ کی زندگی کو کامیابیوں سے ہمکنار کریں آمین الہی آمین ۔
