اسلام آباد: امریکا نے پاکستان کو معاشی چیلنجز سے نکلنے اور انتہائی ناگزیر اقتصادی اصلاحات پر عملدرآمد کے لیے مکمل تعاون کی یقین کرادی۔
اسلام آباد میں پانچویں پاکستان امریکا بزنس کانفرنس سے خطاب کرتے ہوئے پاکستان میں امریکا کی ڈپٹی سفیر نٹالی بیکر نے کہا کہ پاکستان سنگین معاشی چیلنجز سے باہر نکل رہا ہے تاہم اس کے لیے بظاہر مشکل لیکن انتہائی ضروری معاشی اصلاحات ناگزیر ہیں۔
انہوں نے کہا کہ امریکا اصلاحات کی اس تبدیلی کے ذریعے پاکستان کا ساتھ دے گا، اگر پاکستان ترقی اور ترقی کے لیے ان شعبوں میں اپنی صلاحیت کا ادراک کرتا ہے تو اس سے نہ صرف پاکستان بلکہ خطے اور دنیا کو بھی فائدہ پہنچے گا، ہم چاہتے ہیں کہ پاکستان اور اس کے شہری کامیاب ہوں اور معاشی طاقت بنیں۔
ڈپٹی سفیر کا کہنا تھا کہ پاکستان میں امریکی مشنز جس میں اسلام آباد میں سفارت خانہ، کراچی، لاہور اور پشاور میں ہمارے قونصل خانے شامل ہیں، پاکستان کو ان اقتصادی امکانات کو کھولنے میں مدد کرنے کے لیے دو طرفہ تجارت اور سرمایہ کاری بڑھانے کے لیے پرعزم ہے۔
