تازہ غزل
شاعر۔۔۔شہزاد تابش
کچھ اس لیے بھی تو جینا مرا محال رہا
میں پتھروں کے لیے آئنہ مثال رہا
جو اک گناہ کیا تھا ارادتاً میں نے
تمام عمر مری جان کا وبال رہا
مری نظر میں رہی ہیں حقیقتیں محکم
تری نظر پہ سدا مادیت کا جال رہا
میں عزم نو سے بڑھا جب جنوب کی جانب
تو میرے سامنے بس رستۂ شمال رہا
میں ایسی قوم کااک فرد ہوں جہاں کہ سدا
کتاب امن کے ہوتے ہوئے قتال رہا
بلندیوں کی تمنا لیے ہوئے تابشِ
ہر ایک شخص یہاں روبۂ زوال رہا
شہزاد تابشِ
لاھور
پاکستان
