جامن گرمیوں میں پایا جانے والا ایسا پھل ہے جس کی قیمت بہت زیادہ تو نہیں ہوتی البتہ یہ بے پناہ خصوصیات کا حامل ہے۔ اس پھل کے صحت پر ایسے فوائد جانیے جو آپ کو یہ پھل کھانے پر مجبور کر دیں گے۔
اس حوالے سے اے آر وائی نیوز کے پروگرام باخبر سویرا میں حکیم شاہ نذیر نے جامن کی خصوصیات اور اس کی افادیت پر تفصیل سے روشنی ڈالی اور ناظرین کو اپنے مشوروں سے بھی آگاہ کیا۔
انہوں نے بتایا کہ یہ پھل انسانی جسم کو مختلف بیماریوں سے دور رکھتا ہے، پھوڑے پھنسیوں اور جگر کے امراض سے محفوظ رکھتا ہے اس کے علاوہ معدے، آنتوں، بلڈ پریشر اور شوگر اور نظامِ انہظام کی بیماریوں میں بھی بے حد مفید ہے۔
انہوں نے بتایا کہ جامن منہ میں ہونے والے انفکشن کیلئے بھی فائدہ مند ہے، اس کے علاوہ فائبر ہونے کی وجہ سے نظام ہاضمہ کو بھی درست رکھتا ہے۔ انہوں نے بتایا کہ جامن ذیابیطس کے مریضوں کیلئے بہترین چیز ہے جو انسولین کو بہتر کرکے شوگر کو کنٹرول میں رکھتی ہے۔
حکیم شاہ نذیر نے کا کہنا تھا کہ جن لوگوں کے گردن پر کالے نشان پڑجاتے ہیں انہیں روزانہ دس دانے صبح اور دس دانے شام کھانے چاہیئں اس سے ان کے نشان ختم ہوجائیں گے۔
