ٹوکیو : جاپان کی وزارت صحت میں ماہرین کے ایک پینل نے الزائمر بیماری کے علاج کے لیے ایک نئی دوا کی منظوری دے دی ہے۔
پینل نے الزائمر بیماری کی ایک خاص وجہ کو نشانہ بنانے والی اس دوا کی پہلی بار توثیق کی ہے۔
یہ فیصلہ ماہرین نے گذشتہ روز ایک جلاس میں کیا تھا، ماہرین کا کہنا ہے کہ انہوں نے جاپانی کمپنی ایزائی اور اس کی امریکی شراکت دار بائیوجِن کی مشترکہ تیار کردہ دوا ’’لےکانے ماب‘‘ کی افادیت کی تصدیق کرلی ہے۔
ماہرین کا یہ بھی کہنا ہے کہ اس کے محفوظ ہونے کے حوالے سے کوئی سنگین خدشات نہیں ہیں۔
یہ دوا دماغ میں امِلائیڈ بیٹا نامی پروٹین کے ارتکاز کو کم کر کے بیماری بڑھنے کا عمل سست کرنے کے لیے بنائی گئی ہے۔
ایزائی کمپنی نے جنوری میں وزارت کو منظوری کی درخواست دی تھی۔ وزارت نے اس دوا کو ایک ایسی چیز کے طور پر نامزد کیا تھاجس کی جانچ پڑتال کو ترجیح دی جانی چاہیے۔
وزارت سے باضابطہ منظوری ملنے کے بعد اس دوا کو جاپان میں تیار اور فروخت کیا جا سکتا ہے۔
