ماضی کی معروف بھارتی اداکارہ امریتا سنگھ اور اداکار سیف علی خان کی بیٹی سارا علی خان والدہ کے مہنگا تولیہ خریدنے پر غصہ ہوگئیں۔
اداکارہ سارہ علی خان نے اپنی فلم ذرا ہٹ کے ذرا بچ کے کی تشہیر کے لیے دی کپل شرما شو میں ساتھی اداکار وکی کوشل کے ہمراہ شرکت کی، جس میں انہوں نے فلم کے موضوع کے علاوہ اپنی نجی زندگی کے حوالے سے بھی چند باتیں شیئر کیں۔
اس شو میں وکی نے سارہ علی خان کے کنجوس ہونے کا انکشاف کرتے ہوئے کہا کہ سارا اپنی والدہ سے لڑائی کرتی ہیں۔
وکی کوشل کے اس بیان پر سارا علی خان بھی اس بات کا اعتراف کرتی ہوئی نظر آئیں۔
وکی کوشل کا کہنا تھا کہ انہوں نے جب سارا کو ان کی والدہ امریتا سنگھ سے لڑتے ہوئے دیکھا تب انہیں پتہ چلا کہ انہوں نے 1600 روپے کا ایک تولیہ خریدا ہے۔
جس کے جواب میں سارا کا کہنا تھا کہ وینٹی وین میں مفت کے 2 سے 3 تولیے رکھے جاتے ہیں اس کے باوجود ماں اپنا دماغ استعمال نہیں کرتی اور 1600 روپے کا تولیہ خرید لیا۔ سارہ نے کہا کہ اتنا مہنگا تولیہ کون خریدتا ہے؟
اسی اثنا میں کپل نے وکی کوشل سے سوال کیا کہ وہ اپنی تمام فلموں میں گھریلو پریشانیوں کا سامنا کر رہے ہیں، پچھلی فلم میں بھی مار کھا رہے تھے، اس میں بھی مار کھا رہے ہو آخر ایسا کیوں ہے؟
جس پر اداکار نے کترینہ کیف کی تعریف کرتے ہوئے کہا کہ میرے ساتھ ایسا ہر فلم میں ہوتا ہے لیکن گھر میں ایسا کچھ نہیں ہوتا۔
