جنوبی افریقا نے 3 میچز کی سیریز کے دوسرے ون ڈے میں بھارت کا 359 رنز کا پہاڑ جیسا ہدف پورا کرکے میزبان ٹیم کو 4 وکٹوں سے شکست دے دی اور سیریز 1-1 سے برابر ہوگئی۔

رائے پور میں کھیلے گئے ون ڈے سیریز کے دوسرے میچ میں بھارت نے پہلے بیٹنگ کرتے ہوئے 5 وکٹوں پر 358 رنز کا پہاڑ کھڑا کیا۔

بھارت کی جانب سے رتوراج گائیکواڈ105 اور ویرات کوہلی شاندار 102 رنز بناکرنمایاں رہے۔کپتان کے ایل راہول نے ناقابل شکست 66 رنز بنائے۔

  جواب میں جنوبی افریقا نے ایڈن مارکرم کی شاندار سنچری،  بریٹزکی اور بریویس کی ففٹی کی بدولت بھارت کا 359 رنز کا پہاڑ جیسا ہدف آخری اوور میں 6 وکٹوں کے نقصان پر پورا کرلیا۔

جنوبی افریقا کی جانب سے مارکرم نے 110، بریٹزکی 68 اور بریویس نے 54 رنز بنائے۔کپتان باووما نے 46 رنز کی اننگز کھیلی۔

اختتامی اوورز میں کاربن بوش نے ذمہ درانہ بیٹنگ کرتے ہوئے 15 گیندوں پر 29 رنز کی ناقابل شکست اننگز کھیل کر اپنی ٹیم کو میچ جتوا دیا۔

یہ ون ڈے کرکٹ میں بھارت کے خلاف مشترکہ طور پر سب سے بڑا رن چیز ہے۔اس سے قبل 2019 میں آسٹریلیا نے موہالی میں بھارت کےخلاف 359 رنز کا ہدف پورا کیا تھا۔

جنوبی افریقا کی جیت کے ساتھ ہی 3 میچز کی سیریز 1-1 سے برابر ہوگئی۔  سیریز کا آخری ون ڈے ہفتے کو کھیلا جائے گا۔