حمد باری تعالیٰ
شاعر۔۔۔ پروفیسر تلوک محروم
ہر سمت اک ظہور ہے تیرے جمال کا
تو نور شرق و غرب و جنوب شمال کا
ماه تمام نیم تبسم ہےاک ترا
خورشید اک شمہ ہے تیرے جلال کا
پائی ہے تجھ سے چشم کواکب نے روشنی
تمغہ دیا ہے بدر کو تو نے کمال کا
دیتا ہے نا تواں کو تو توانائی عروج
اوج فلک سےہے یہ اشارہ ہلال کا
تو ہے نہاں مگر تیرے جلوے کہاں نہیں
ہر لخت سنگ آئنہ تیرے جمال کا
خود اس کے حسن کو بھی تماشا کرے کوئی
صانع جو روئے گل کا ہے چشم غزال کا
محروم اک امید پہ ہوں گرم جستجو
لا تقنطوا” جواب ہے میرے سوال کا
ہر سمت اک ظہور ہے تیرے جمال کا
تو نور شرق و غرب و جنوب و شمال کا
