خشیتِ الٰہی میں ایکولی کامل کا حال
حضرت خواجہ قطب الدین بختیار کاکی نقل کرتے ہیں کہ ایک نوجوان اپنا دن بڑی عاجزی کے ساتھ گزارتا اور جب رات آتی تو خاموشی کے ساتھ اپنے کمرے میں چلا جاتا اور رسی کو چھت سے باندھ کر اپنے گلے میں ڈال لیتا اور اپنے مولا کے حضور التجا کرتا: مولا! تیرا مجرم تیری بارگاہ میں حاضر ہے۔۔۔ جو سلوک کرنا ہے، اس دنیا میں کرلے، آخرت میں نہ کرنا۔۔۔ اسی طرح وہ ساری رات گریہ و زاری کرتا۔ ساری زندگی اسی معمول میں رہا۔

ایک روز وہ نوجوان اپنی ماں کے پاس آیا اور کہنے لگا کہ مجھے تین چیزوں پر آپ کا وعدہ چاہیے۔ والدہ نے پوچھا: کیا معاملہ ہے تو وہ کہنے لگا کہ ساری زندگی میں اپنے مولا کی نافرمانی کرتا رہا اور اس کا حق ادا نہ کرسکا۔ یہ وعدہ کریں کہ جب میری موت آئے تو آپ یہ تین کام کریں گی۔ جب ماں نے حامی بھرلی تو کہنے لگا:

1۔ پہلا کام یہ ہے کہ جب میری موت واقع ہوجائے تو میری میت کو رسی سے باندھ کر اپنے گھر کے چاروں کونوں میں گھسیٹنا اور یہ کہتے رہنا کہ جو خدا کا نافرمان ہو، اس کا یہی حال ہوتا ہے۔

2۔ دوسرا کام یہ کرنا کہ رات کے اندھیرے میں میرا جنازہ لے کر جانا کہ کوئی شخص مجھے دیکھ کر یہ نہ کہہ دے کہ خدا کے نافرمانوں کا یہی حال ہوتا ہے۔

3۔ تیسرا کام یہ کہ جب میری تدفین کردی جائے اور لوگ مڑ کر واپس چلے جائیں تو میری ماں آپ میری قبر پر کھڑی رہنا تاکہ جب فرشتے مجھے سزا دینے کے لیے آئیں تو آپ کے قدموں کے طفیل شاید میری بخشش ہوجائے۔

یہ وعدہ لینے کی دیرتھی کہ اس نوجوان کی روح قفسِ عنصری سے پرواز کرگئی۔ اب ماں حسبِ وعدہ اس کی لاش کو گھسیٹنے لگی تو غیب سے آواز آگئی کہ اے خاتون! اس نوجوان کو چھوڑ دو، تمہیں کیا معلوم کہ یہ خدا کا کتنا محبوب بندہ تھا۔ جس کی ساری زندگی اپنے مولا کے ساتھ دوستی نبھانے میں گزر گئی ہو تو کیا اس کے ساتھ ایسا سلوک ہوتا ہے۔ ماں تڑپ گئی اور اسے پتہ چل گیا کہ میرے بیٹے کا کیا مقام تھا۔

قارئین کرام! یہ وہ توبہ تھی، جو توبہ کرنے والے ہمیں سکھا گئے۔ لمحہ فکریہ ہے کہ آج ہم حقیقی معنی میں اس کی بارگاہ میں ایسی توبہ نہیں کرتے۔ کسی کے بیس سال گزر گئے ، کسی کے چالیس سال گزر گئے، کسی کے ساٹھ، کسی کے ستر، مگر کسی کو اپنے باطنی احوال کی کچھ خبر نہیں۔ شبِ برأت ہر سال آتی ہے، اللہ رب العزت اس رات آسمان دنیا پر آکر پکارتا ہے کہ مغفرت مانگ لو، توبہ کرلو مگر ہم ہیں کہ کاہلی و سستی کا شکار ہیں۔ شب توبہ کے موقع پر اس عہد کو دہرانا ہوگا اور اپنے آپ کو اور اپنی اولادوں کو توبہ کے راستے پر لانا ہوگا۔
دوستو….!!! چلتے چلتے ایک آخری بات عرض کرتا چلوں کہ اگر کبھی کوئی ویڈیو، قول، واقعہ کہانی یا تحریر وغیره اچھی لگا کرئے تو مطالعہ کے بعد مزید تھوڑی سے زحمت فرما کر اپنے دوستوں سے بھی شئیر کر لیا کیجئے، یقین کیجئے کہ اس میں آپ کا بمشکل ایک لمحہ صرف ہو گا لیکن ہو سکتا ہے اس ایک لمحہ کی اٹھائی ہوئی تکلیف سے آپ کی شیئر کردا تحریر ہزاروں لوگوں کے لیے سبق آموز ثابت ہو دوستو ہماری سپورٹ کے لیے پوسٹ اچھی لگے تو فالو ضرور کیا کریں بہت شکریہ۔❤️
Golden pages of History
جزاک اللہ خیرا کثیرا۔
#Tawba #Repentance #IslamicTeachings #Spirituality #Inspiration #IslamicQuotes #HadithOfTheDay #QuranVerses #IslamicReminders #ProphetMuhammad #Sahaba #IslamicStories #History #Prophecy #IslamicProphets #Faith #IslamicTeachings #Spirituality #Inspiration #ShabEBarat