امریکی صدر ڈونلڈ ٹرمپ نے وائٹ ہاؤس کی پریس سیکرٹری کیرولائن لیوٹ کی تعریفوں کے پل باندھ دیے۔

پنسلوینیا میں ریلی سے خطاب کرتے ہوئے امریکی صدر  نے اپنی پریس سیکرٹری کیرولائن لیوٹ کے چہرے کو خوبصورت  اور  ان کے ہونٹوں کو مشین گن سے تعبیر کیا۔

صدر ٹرمپ کاکہنا تھا کہ جب کیرولائن ٹیلی ویژن پر آتی ہیں تو چھا جا تی ہیں ۔ ان کے ہونٹ چھوٹی مشین گن کی طرح چلتے ہیں۔

ٹرمپ کاکہنا تھا کہ کیرولائن کو  ٹی وی پر بولتے ہوئےکوئی خوف نہیں ہوتا اور  وہ اس لیے بے خوف ہو کر بولتی ہیں کیونکہ ہماری تمام پالیسیاں بلکل درست ہیں۔

کیرولائن کی تعریف کرتے وقت سامعین  تالیاں بجاتے رہے۔