خوف سے نور تک، موسیٰ علیہ السلام کا پوشیدہ سفر

تحریر۔۔۔مقیتہ وسیم

ہالینڈ(ڈیلی روشنی نیوز انٹرنیشنل ۔۔۔ خوف سے نور تک، موسیٰ علیہ السلام کا پوشیدہ سفر۔۔۔ تحریر۔۔۔مقیتہ وسیم )قرآنِ مجید میں جس نبی کا سب سے زیادہ ذکر آیا ہے وہ موسیٰ علیہ السلام ہیں۔

یہ تکرار محض تاریخی حوالہ نہیں، بلکہ انسانی نفسیات اور روحانی سفر کا سب سے بڑا سبق ہے۔

موسیٰ علیہ السلام کی فطرت میں آغاز سے ایک خوف کا عنصر موجود تھا۔

لیکن خوف کمزوری نہیں ہوتا؛ خوف ایک کاسمیٹک سگنل ہے جو جسم کو بیدار کرتا ہے اور روح کو اپنی اصل سمت تلاش کرنے پر مجبور کرتا ہے۔

اسی لیے اللہ نے کئی مقامات پر فرمایا:

“لا تخف… میں تیرے ساتھ ہوں۔”

یہ وہی جملہ ہے جو خوف کو توانائی میں تبدیل کرتا ہے۔

جب موسیٰ علیہ السلام نے پہچان لیا کہ اللہ کی مشیت اُن کے ذریعے ایک کام لینا چاہتی ہے،

تو اُن کے اندر موجود قدرتی خوف نے نئی شکل اختیار کر لی۔

جسمانی خوف روحانی بصیرت میں بدل گیا۔

جیسے روشنی کے ذرے (photons) سمت تبدیل کر کے ایک نیا زاویہ بنا دیتے ہیں،

ایسے ہی موسیٰ علیہ السلام کا خوف تقویٰ بن گیا۔

کلائمکس وہ لمحہ تھا جب سمندر سامنے تھا،

اور پیچھے فرعون کی لشکرگاہ۔

ظاہری دنیا کے تمام راستے بند ہو چکے تھے۔

یہ وہ نقطہ ہے جہاں انسان کی عقل ہار جاتی ہے،

اور روح کا سچ بولتا ہے۔

اُس وقت قوم نے کہا: اب کیا ہوگا؟

موسیٰ علیہ السلام کا جواب انسانی تاریخ کا سب سے بڑا جملہ ہے:

“ہرگز نہیں… میرا رب عنقریب مجھے راستہ دکھا دے گا۔”

یہ وہ لمحہ ہے جب خوف توکل میں بدل جاتا ہے۔

اور اسی توکل کی قوت سے سمندر دو حصوں میں بٹ گیا۔

سائنس آج کہتی ہے کہ کائنات کا ہر ذرہ قوت کی سمت بدلنے کی صلاحیت رکھتا ہے۔

روحانیت کہتی ہے کہ انسان کا یقین بھی حقیقت کی سمت بدل سکتا ہے۔

اللہ کا خوف،

ضرورت کے وقت

توکل میں بدلتا ہے۔

وہی خوف

تقویٰ میں ڈھل جاتا ہے۔

اور یہی خوف

محبت میں تبدیل ہو کر انسان کو اللہ سے جوڑ دیتا ہے۔

اسی کو خشیت کہتے ہیں۔

وہ کیفیت جو دل کو لرزاتی نہیں، اسے جگاتی ہے۔

جو انسان کو کمزور نہیں،

بلکہ اللہ کی طرف متوجہ کر دیتی ہے۔

جس دل میں یہ خشیت اتر جائے،

وہ دل اللہ سے جڑ جاتا ہے۔

بالکل ایسے ہی جیسے موسیٰ علیہ السلام

اللہ کے نور، اللہ کی ہدایت اور اللہ کی محبت سے جڑ گئے۔

سبحان اللہ۔

#مقیتہ وسیم

#موسیٰ_علیہ_السلام

#قرآنی_اسرار

#روحانی_سفر

#نور_و_ہدایت

#توکل_علی_اللہ

#خشیت_اللہ

#ایمان_کی_قوت

#مقیتہ_وسیم

#اسلامک_نالج

#قرآنی_تدبر

#روحانیت

#سائنس_اور_ایمان