سردیوں میں انڈے کھانے کے فوائد

تحریر وترتیب ۔۔۔ راحیل قریشی

ہالینڈ(ڈیلی روشنی نیوز انٹرنیشنل۔۔۔ سردیوں میں انڈے کھانے کے فوائد۔۔۔ تحریر وترتیب ۔۔۔ راحیل قریشی)انڈوں کے بارے میں اکثر کہا جاتا ہے کہ ان میں کولیسٹرول کی مقدار زیادہ ھوتی ہے لیکن حقیقت یہ ہے کہ قدرتی غذاؤں میں غذائیت کے لحاظ سے انڈوں کا کوئی ثانی نہیں ۔ یہ اتنا نقصان دہ نہیں جتنا سمجھا جاتا ہے ۔ انڈوں کی افادیات 👇

🔹ہائی کوالٹی پروٹین

پروٹین مختلف امینو ایسڈز سے بنتا ہے اور اس کی 9 اقسام انڈوں سے حاصل ھوتی ہیں۔ اسی لیئے ان کو ہائی کوالٹی پروٹین کا ذریعہ سمجھا جاتا ہے۔ ایک بڑے انڈے میں تقریباً 5 سے7 گرام پروٹین کی مقدار پائی جاتی ہے۔

🔹وزن کم کرنے میں مددگار

انڈوں میں 77 کیلوریز ھوتی ہیں اور انڈوں میں کاربوہائیڈریٹس نہیں ھوتے اس لیئے انہیں ایسی خوراک میں شامل کیا جاتا ہے جسے کھا کر آپ کو بھوک کا احساس کم ھو جاتا ہے یعنی انڈے کھانے سے آپ کو معدہ بھرا ھوا محسوس ھوتا ہے ۔

تحقیق میں یہ بات سامنے آئی کہ ناشتے میں  انڈے کھانے سے زیادہ بھوک نہیں لگتی اور اس طرح آپ باقی دن میں کم کیلوریز کھاتے ہیں۔

ایک اور تحقیق میں بتایا گیا کہ جن افراد نے جتنی کیلوریز ناشتے میں ڈونٹس یا دیگر اوٹ میلز سے حاصل کیں، اتنی ھی مقدار میں انڈے کھائے سے ان کا وزن 65 فیصد تک کم ھوا اور کمر کا سائز 34 تک فیصد کم ھوا۔

🔹متوازن کولیسٹرول

انڈوں میں 162 ملی گرام کولیسٹرول پایا جاتا ہے ماضی میں ان سے اجتناب کیا جاتا تھا تاھم  تحقیق میں یہ بات سامنے آئی ہے کہ انڈوں اور دل کی بیماریوں کا آپس میں کوئی تعلق نہیں ۔

اچھا کولیسٹرول ھمارے جسم کے لیئے ضروری ہے اور انڈے اسے متوازن رکھتے ہیں۔ حقیقت میں انڈے کھانے سے جسم میں اچھے ہائی ڈینسٹی لائپو پروٹین (HDL) کولیسڑول کا اضافہ ھوتا ہے اور برے لو ڈینسٹی لائپو پروٹین (LDL) کولیسٹرول کی کمی ھوتی ہے۔

🔹قوت مدافعت میں بہتری ھوتی ہے۔

انڈے پروٹین، وٹامن D، وٹامن B2 ، B5، B12، وٹامن E، فولیٹ، لیوٹین اور اومیگا 3 سے بھرپور ھوتے ہیں۔ یہ تمام چیزیں قوت مدافعت کو بڑھاتی ہیں جبکہ وائرس اور بیکٹیریا کے پھیلاؤ کو کم کرتی ہیں۔

انڈے خاص طور پر سیلینیم سے بھرپور ھوتے ہیں جس سے قوت مدافعت بڑھتی ہے،  DNA ڈی این اے کو کم نقصان ھوتا ہے اور کینسر کے خلیے تباہ ھوتے ہیں۔

🔹بینائی کے لیئے سود مند ہیں

انڈے ان لوگوں کے لیئے اومیگا 3 فیٹی ایسڈز حاصل کرنے کا ذریعہ ہیں جو مچھلی نہیں کھاتے۔ اومیگا 3 دماغ اور بینائی کے لیئے بہت مفید ھوتا ہے۔

انڈوں کی زردی میں لیوٹین اور زیسانتھین نام کے اینٹی آکسیڈینٹس ھوتے ہیں جو آنکھوں کی حفاظت کرتے ہیں۔ 👀