یونان میں تعینات سفیرِ پاکستان عامر آفتاب قریشی نے کریٹ ریجن کے جنرل پولیس ڈائریکٹر میجر جنرل نکولاوس اسپائریداکِس سے اہم ملاقات کی۔

یونان :(ڈیلی روشنی نیوز انٹرنیشنل ۔۔۔انصر اقبال بسراء )ملاقات میں پاکستانی کمیونٹی کو درپیش مسائل، قانونی تحفظ، رہائشی امور اور کمیونٹی کی فلاح و بہبود سے متعلق امور پر تفصیلی گفتگو ہوئی۔اس موقع پر ایڈیشنل ڈائریکٹر ایف آئی اے  بلال اسلم بھی ان کے ہمراہ تھے۔

ملاقات میں دونوں فریقین نے باہمی روابط کو مضبوط بنانے، قانونی معاونت کو بہتر بنانے اور کمیونٹی کے مسائل کے حل کے لیے قریبی تعاون جاری رکھنے پر اتفاق کیا۔

سفیرِ پاکستان نے یونان میں پاکستانی کمیونٹی کی خدمات اور کردار کو اُجاگر کرتے ہوئے حکام سے درخواست کی کہ مقامی ادارے ان کے مسائل کے حل میں مزید تعاون کریں۔