شوکت خانم فاؤنڈیشن یونان کے زیر اہتمام آگاہی مہم و نیٹ ورکنگ ایونٹ، معروف اداکارہ ریما خان کی خصوصی شرکت
یونان (ڈیلی روشنی نیوز انٹرنیشنل ۔۔۔انصر اقبال بسراء )شوکت خانم میموریل فاؤنڈیشن یونان کے زیر اہتمام *شوکت خانم کینسر ہسپتال و ریسرچ سینٹر کراچی* کے لیے ایک مؤثر *آگاہی مہم اور نیٹ ورکنگ ایونٹ* کا انعقاد کیا گیا۔
یہ تقریب ایتھنز میں منعقد ہوئی، جس میں پاکستان کی معروف فنکارہ *ریما خان* نے خصوصی شرکت کی۔ وہ اس نیک مقصد کے لیے خصوصی طور پر *امریکہ* سے یونان پہنچیں۔
ایونٹ کی *نظامت* کے فرائض *سید جمیل شاہ* اور *رمشا چوہدری* نے نہایت عمدگی سے انجام دیے، جبکہ *مرزا رفاقت حسین* نے نہایت خوبصورت انداز میں مہمانانِ گرامی کی خدمت میں *سپاس نامہ* پیش کیا۔
تقریب میں *یونان بھر سے پاکستانی خواتین، سیاسی و سماجی شخصیات، کاروباری، ادبی و صحافتی برادری* اور کمیونٹی ممبران نے بھرپور شرکت کی۔
*شوکت خانم لاہور کے چیف آپریٹنگ آفیسر، ڈاکٹر محمد طاہر عزیز* نے فاؤنڈیشن کی خدمات، زیر تعمیر کراچی پراجیکٹ، اور ادارے کی ریسرچ و فلاحی سرگرمیوں پر تفصیلی بریفنگ دی، جسے حاضرین نے بے حد سراہا۔
*ریما خان* نے خطاب میں بیرونِ ملک مقیم پاکستانیوں کے جذبے اور تعاون پر خوشی کا اظہار کیا اور اس مشن میں شمولیت پر سب کا شکریہ ادا کیا۔
ایونٹ کے اختتام پر *چوہدری ظفر اقبال ساہی* نے تمام مہمانانِ گرامی، نظامت کرنے والے افراد، منتظمین اور کمیونٹی کا دلی شکریہ ادا کیا، اور اس قومی خدمت کے مشن کو مزید تقویت دینے کے عزم کا اظہار کیا۔
