غزل
شاعر۔۔۔محسن نقوی
روشنی تیرے سفیروں کا نشاں باقی ھے
دامن شب میں چراغوں کا دھواں باقی ھے
حشر تو ہو بھی چکا تیرے بچھڑ جانے سے
دل میں کیوں وسوسہ سود و زیاں باقی ھے
اب تجھے یاد دلانے کے لئے کچھ بھی نہیں
صرف اک عہد وفا وہ بھی کہاں باقی ھے
رہرو دھوپ نے جھلسا دئیے قدموں کے نشاں
پھر بھی اک واہمہ ابرِ رواں باقی ھے
دل کو اب شوق ہے تاراج کرے برق عذاب
اٹھ گئے سارے مکیں صرف مکاں باقی ھے
کون کہتا ہے کہ الفاظ ہیں محتاج قلم
کٹ گئے ہاتھ مگر میری زباں باقی ھے
کتنے خورشید تراشے گئے پھر بھی محسن
تیرگی ھے جو کراں تا بہ کراں باقی ھے
سید محسن نقوی
