اسرائیلی فوج کی جیل سے فلسطینی قیدی پر تشدد کی ویڈیو لیک کرنے کے بعد استعفیٰ دینے والی اعلیٰ عہدیدار  کو گرفتار کرلیا گیا۔

میجر جنرل یفات تومر یروشلمی (Yifat Tomer-Yerushalmi) ملٹری ایڈووکیٹ جنرل تھیں، لیک ویڈیو  اگست 2024 میں اسرائیلی چینل نے نشر کی تھی۔ ویڈیو میں اسرائیلی فوجیوں کو سدی تیمان جیل میں فلسطینی قیدی کو تشدد کا نشانہ بناتے دکھایا گیا تھا۔

تشدد کے بعد قیدی کو    زخمی حالت میں اسپتال منتقل کیا گیا تھا،  واقعے کے بعد 5 اہل کاروں کو حراست میں لیا گیا تھا۔

گزشتہ ہفتے ویڈیو لیک مقدمے کی تحقیقات کا آغاز ہوا، انکوائری کے دوران جنرل تومر یروشلمی کو جبری رخصت پر بھیج دیا گیا جس کے بعد یفات تومر نے استعفیٰ دے دیا تھا، انہوں نے تسلیم کیا تھا کہ ویڈیو ان کے دفتر سے میڈیا کو فراہم کی گئی تھی۔

ان کے استعفےکے بعد ان کی گمشدگی، پھر بازیابی اور  اب گرفتار ی کے اعلانات سامنے آئے۔