دنیائے فٹبال کے مایہ ناز پلیئر لیونل میسی نے پی ایس جی کلب کو خیرباد کہہ دیا۔
ارجنٹائن کے عظیم فٹ بال لیونل میسی دو سال کلب میں رہنے کے بعد سیزن کے اختتام پر پیرس سینٹ جرمین (PSG) چھوڑ دیں گے۔
کوچ کرسٹوف گالٹیر نے تصدیق کرتے ہوئے کہا ہے کہ ہفتہ کو کلرمونٹ کے خلاف میسی آخری میچ کھیلیں گے۔ میسی کا معاہدہ جون کے آخر میں ختم ہو رہا ہے۔
یہ اقدام دو سال کے معاہدے پر بارسلونا سے فرانسیسی دارالحکومت منتقل ہونے کے بعد سامنے آیا ہے۔ اس سیزن کے تمام مقابلوں میں پی ایس جی کے لیے میچی نے 21 گول اور 20 اسسٹ کیے۔
میسی نے دسمبر میں ہونے والے قطر ورلڈ کپ میں ارجنٹائن کی عالمی چیمپئن شپ میں قیادت کی اور ریکارڈ سات بیلن ڈی آر ایوارڈز بھی اپنے نام کیے۔
پی ایس جی کے ساتھ 2021-22 اور 2022-23 کے سیزن میں لیگ 1 کا ٹائٹل جیتا اور جولائی 2022 میں فرانسیسی سپر کپ بھی اپنے نام کیا۔
گیلٹیر نے کہا کہ مجھے فٹ بال کی تاریخ کے بہترین کھلاڑی کی کوچنگ کا اعزاز حاصل ہوا یہ پارک ڈیس پرنسز میں میسی کا آخری میچ ہوگا اور مجھے امید ہے کہ ان کا پرتپاک استقبال کیا جائے گا۔
