ہالینڈ، میلاد النبیﷺ کی بارہ روزہ با برکت محافل
4ستمبر سے 15 ستمبر 2024 تک روزانہ کی بنیاد پر
جامع مسجد غوثیہ ایمسٹرڈیم میں منعقد کی جا رہی ہیں۔
ہالینڈ(ڈیلی روشنی نیوز انٹر نیشنل ۔۔۔جاوید عظیمی )اللہ تعالیٰ کے محبوب مکرم خاتم الانبیاء سید المرسلین احمد مجتبےٰ محمد مصطفےٰﷺ کی اس دنیا میں تشریف آوری کا بابرکت مہینہ ماہ ربیع الاول کا آغاز بروز بدھ چار ستمبر سے ہونے جا رہا ہے۔ اس پر نور مہینے میں محبان رسول رسول محتشمﷺ کی ولادت پاک کی خوشی میں اللہ تعالٰی کا شکرانہ ادا کرنے کے لئے مہینہ بھر محافل میلاد کا انعقاد کرتے ہیں۔ ربیع الاول کی بابرکت ساعتوں میں جامع مسجد غوثیہ ایمسٹر ڈیم کے زیر اہتمام امسال بھی بارہ روزہ محافل میلاد کا انعقاد کیا جا رہا ہے۔ یہ محافل میلاد بروز بدھ چار ستمبر سے پندرہ ستمبر تک روزانہ کی بنیاد پر شام سات بجے بعد نماز عصر سے مغرب تک مذکورہ مسجد کے امام و خطیب علامہ حافظ محمد عمران قادری جیلانی کی زیر صدارت منعقد ہوں گی۔ مسجد کی انتظامیہ کی جانب سے کمیونٹی کے حضرات کو محافل میلاد میں شرکت کے لئے دعوت خاص دی جاتی ہے ۔ وقت کی پابندی کو ملحوظ خاطر رکھیں، بارہ روز محافل میلاد کے سلسلے میں پر روز محفل کے اختتام پر محبان رسول کی تواضع لنگر محمدی سے کی جائے گی ۔ مزید معلومات کے لئے خبر کے ساتھ شائع شدہ پوسٹر کا مطالعہ کریں۔
