پاکستانی سفارت خانہ سوئٹزرلینڈ میں تقریب یوم آزادی

سوئٹزرلینڈ(ڈیلی  روشنی نیوز انٹرنیشنل ۔۔۔نمائندہ خصوصی )سوئٹزرلینڈ کے دارالحکومت برن  میں جشن آزادی کے موقع پر پاکستانی سفارت خانے میں پرچم کشائی کی باوقار تقریب صبح  10 بجے منعقد ھوئی جس میں  کثیر تعداد میں پاکستانی فیملیز نے شرکت کرکے قومی یکجہتی کا اظہار کیا تقریب کاباقاعدہ آغاز تلاوت کلام پاک سے  نادر شاہ نے کیا استقبالیہ صائمہ خان نے پیش کیا قومی ترانہ کی گونج میں سفیر پاکستان مرغوب سلیم بٹ نے پرچم کشائی کی اس موقعہ پر وزیر اعظم شہباز شریف اور صدر پاکستان آصف زرداری کے پیغامات پڑھ کر سنائے گئے سفیر پاکستان مرغوب سلیم بٹ  نے خطاب کرتے ھوئے کہا کہ 14 اگست  کا دن پاکستانی عوام کے لیئے ایک تاریخی دن ہے بے پناہ قربانیوں کے بعد قائد اعظم کی سربراھی میں  پیارا وطن حاصل ہوا ہمارے بزرگوں نے آزادی کی خاطر  اور ہمیں ایک آزاد فضا میں سانس لینے کی خاطر بے انتہا قربانی اور جانوں کا نذرانہ پیش کیا 14 اگست کا دن عملی طور پر پاکستان کی مضبوطی و استحکام کے لیئے تجدید عہد کا دن ہے اس مرتبہ 14 اگست اس لیئے بھی اہم ھےکہ افواج پاکستان نے ھمارے دشمن بھارت کو  منہ توڑ جواب دیا اور عبرتناک شکست  سے دوچار کیا اور قوم کا سر فخر سے بلند کیا انھوں نے مزید کہا کہ

آپ کا کام ہے کہ یوم آزادی کے اغراض و مقاصد کی تکمیل اور قائداعظم اور دیگر رہنمائوں کے خواب کو عملی جامہ پہنانے کے لیئے ایک قوم بنیں اس وطن عظیم کو سنوارنا اور اسکی  ترقی و خوشحالی  ہمارا فرض ہے انھوں نے مزید کہا کہ سفارت خانہ بلا تفریق ہر پاکستانی کی خدمت کررہا ہے آپ  دیار غیر میں اپنے کردار اور عمل سے پاکستان کا نام روشن کریں تقریب کے بعد سفیر پاکستان مہمانوں میں گھل مل گئے مہمانوں کی خاطر تواضع پاکستانی لذیز کھانوں سے کی گئی