پنجابی غزل
شاعر۔۔۔شہزاد تابش
بندہ بندہ تول کے بیٹھاں
اپنے آپ نوں رول کے بیٹھاں
اوہنیں مینوں بوھتا چٹیا
جہنوں مٹھا بول کے بیٹھاں
وقت دی کمن کیری اندر
پیراں تے ساں ڈول کے بیٹھاں
جی کر دا سی شیشے اگے
دکھاں دی پنڈھ کھول کے بیٹھاں
حاکم ترے ضمیر نوں کسراں
اندر تک مدھول کے بیٹھاں
لیراں سی بس کھدو اندر
دل نوں اج پھرول کے بیٹھاں
آوے یا نا آوے سانول
میں تے بوہا کھول کے بیٹھاں
شہزاد تابشِ
لہور
پاکستان
