پنجابی غزل
دکھاں دے وس پائی سانول
لا کے خوب نبھائی سانول
بے قدرں دے پچھے جا کے
ایویں عمر گنوائی سانول
کسے دی ہو وے اپنی لگے
ساہنوں پیڑھ پرائی سانول
جھوٹا پیار تے جھوٹے وعدے
یاری خوب نبھائی سانول
روڑا ساں تے ہنس کے جر لئی
جس نے ٹھوکر لائی سانول
ہیر نا آئی بیلے اندر
ونجھلی لکھ وجائی سانول
توں سچا تے میرے حصے
آئی جگ ہنسائی سانول
ساری دُنیا، دنیا ورگی
توں وی کدوں نبھائی سانول
وقت تےبھانویں دشمن ہووے
دوہاں نال ونجھائی سانول
شہزاد تابشِ
لہور
پاکستان
