پیرس، پاکستان کے بانی قائدِ اعظم محمد علی جناحؒ کی 149ویں سالگرہ نہایت عقیدت، احترام اور شایانِ شان طریقے سے منائی گئی۔

پیرس (ڈیلی روشنی نیوز انٹرنیشنل ۔۔۔نمائندہ خصوصی۔۔۔منیر احمد ملک ) پاکستان کے بانی قائدِ اعظم محمد علی جناحؒ کی 149ویں سالگرہ نہایت عقیدت، احترام اور شایانِ شان طریقے سے منائی گئی۔ اس خوبصورت اور باوقار تقریب کا اہتمام پاکستان پیپلز پارٹی وویمن ونگ فرانس کی صدر محترمہ روحی بانو نے کیا۔

اس باوقار تقریب میں ہر مکتبہ فکر سے تعلق رکھنے والی خواتین نے بھرپور شرکت کریں

جس میں معروف انٹرنیشنل فیشن ڈیزائنر اور سمندر پار نیوز کی ڈائریکٹر محترمہ نیناں خان ، لیڈی فوکس ، نور ٹی وی اور ڈیلی پکار کی ڈائریکٹر ناصرہ خان  ، معروف سماجی اور مذہبی شخصیت محترمہ عالیہ مرتضی  ، ادارہ منہاج القرآن انٹرنیشنل کی سابقہ صدر  محترمہ ستارہ ملک ، پی پی پی وومن ونگ کی جنرل سیکرٹری محترمہ سارہ کرن  سینئر نائب فرحت عاشق ، نائب صدر فرح کریم ، نائب صدر فردوس شفقت ، پی ٹی آئی کی سینئر رہنما صائمہ بابری معروف سماجی و مذہبی شخصیت رانی کنول نے خصوصی شرکت کی اور اپنے خیالات کا اظہار کرتے ہوئے بانی پاکستان قائد اعظم محمد علی

 کی خدمات، جدوجہد اور افکار کو زبردست انداز میں خراجِ تحسین پیش کیا  اور ان کی تعلیمات پر عمل کرنے کے عزم کا اعادہ کیا گیا۔

سورت یاسین پڑھ کر بابائے قوم قائد اعظم محمد علی جناح کی روح کو بخشا گیا

اس کے بعد رانی کنول کا تیار کردہ ٹیبلو پیش کیا

جسے سب بے بہت پسند کیا اور رانی کنول کی پیشکش کو سراہا

قائد اعظم زندہ باد کے فلک شگاف نعروں کے ساتھ قائد اعظم کی 149 ویں سالگرہ کا کیک کاٹا گیا

پیرس کے معروف سماجی اور کاروباری شخصیت چوہدری عارف کی جانب سے سب کو حور چاول تقسیم کیئے گئے

تقریب سے خطاب کرتے ہوئے پاکستان پیپلز پارٹی وویمن ونگ فرانس کی صدر محترمہ روحی بانو نے  کہا کہ قائدِ اعظم محمد علی جناحؒ کی جدوجہد، دیانت داری اور اصول پسندی آج بھی ہماری رہنمائی کا سب سے مضبوط ذریعہ ہے۔ انہوں نے کہا کہ خواتین کو بانیٔ پاکستان کے افکار پر عمل کرتے ہوئے ملکی ترقی، جمہوریت اور سماجی انصاف کے فروغ میں اپنا بھرپور کردار ادا کرنا چاہیے۔ محترمہ روحی بانو نے اس عزم کا اظہار بھی  کیا کہ پاکستان پیپلز پارٹی وویمن ونگ بیرونِ ملک بھی قائدِ اعظم کے نظریات اور پاکستان کی مثبت شناخت کو اجاگر کرتی رہے گی۔

یوں یہ دلکش اور یادگار تقریب پر تکلف ٹی پارٹی کے ساتھ اختتام پذیر ہوئی۔   رپورٹ منیر احمد ملک بیورو چیف پیرس فرانس