گوند کتیرا (Tragacanth Gum) ایک جادوئی خزانہ

ہالینڈ(ڈیلی روشنی نیوز انٹرنیشنل )اگر آپ کی خوراک میں گوند کتیرا شامل نہیں ہے تو آپ ایک بہت ہی قیمتی اور فائدہ مند چیز سے محروم ہیں۔ یوں جانیے گرمیوں میں گوند کتیرا کھانے سے آپ کے جسم میں حیران کن تبدیلیاں واقع ہوں گی۔

اگر کھانے کے بعد آپ کو سینے میں جلن ہوتی ہے، ناگوار ڈکار آتے ہیں، گیس اور قبض رہتی ہے، پیٹ پھول جاتا ہے اور بہت سخت اور اکڑا ہوا محسوس ہوتا ہے۔انٹریوں میں عجیب سا کھنچاؤ رہتا ہے تو گوند کتیرا استعمال کریں۔

رات کے وقت ایک چمچ گوند کتیرا ایک گلاس پانی میں بھگو کر رکھ دیں۔ صبح میں گوند کتیرا ایک جیلی کی شکل بن چکا ہوگا۔ اب اس میں کچھ اور پانی شامل کرکے پی لیں، اسے دودھ، شربت یا سادہ پانی میں ملا کر پیا جا سکتا ہے، پیکھا پینا مشکل لگے تو روح افزا، سکنجبین یا لیموں پانی میں ملا کر بھی پی سکتے ہیں۔

گوند کتیرا میں قدرتی لعاب دار مادّے (mucilage) ہوتے ہیں جو آنتوں کو نرم کرکے قبض ختم کرتا ہے۔

گوند کتیرا کی ٹھنڈی تاثیر معدے کے اندرونی زخموں (السر) کو ٹھیک کرنے میں مدد دیتی ہے۔

گرمیوں میں جسم کا درجہ حرارت کم کرتا ہے جس سے گرمی کم لگتی ہے اور ہیٹ سٹروک نہیں ہوتا اور نہ نکسیر پھوٹیتی ہے۔

گرمی دانے، منہ کے چھالے ٹھیک کرتا ہے۔

جسم کو طاقت و توانائی فراہم کرتا ہے اور تھکن اور کمزوری دور کرتا ہے۔

معدہ کو ٹھنڈک دیتا ہے، قبض، بدہضمی، گیس، جلن کے لیے فائدہ مند ہے۔

پیشاب کی نالی کی جلن اور کمی کو دور کرتا ہے۔

یہ معدے میں پھول جاتا ہے اور پیٹ بھرا ہوا محسوس ہوتا ہے، جس سے کھانے کی خواہش کم ہوتی ہے۔

پیٹ کی فالتو چربی ختم کرکے کولیسٹرول کم کرتا ہے جس سے وزن کم ہوتا ہے۔

طبیعت کا چڑچڑاپن ، جلدی غصہ کرنا ختم کرتا ہے۔

پانی میں بھگو کر پیسٹ بنا لیں اور ماسک کی صورت میں چہرے یا بالوں پر لگائیں، 15 سے 20 منٹ بعد دھو لیں۔ جلد نرم و ملائم ہو گی اور کیل مہاسے کم کرتا ہے۔

بالوں میں لگانے سے خشکی اور بالوں گرنا بند ہوجاتے ہیں۔

اس کے علاوہ گوند کتیرا مردانہ طاقت کےلیے بہترین غذا ہے،  یہ اعصاب کو مضبوط کرتا ہے، جس سے ٹیسٹوسٹیرون ہارمون بہتر ہوتے ہیں۔

مردانہ Semen کو گاڑھا کرتا ہے اور مقدار بڑھاتا ہے۔

احتیاط۔

گوند کتیرا کی تاثیر ٹھنڈی ہوتی ہے اس لیے سرد مزاج افراد شہد، دار چینی کے ساتھ استعمال کریں۔

گرم اشیاء (جیسے چائے یا گرم دودھ) میں شامل نہ کریں، ورنہ فائدے کے بجائے نقصان ہو سکتا ہے۔

لو یا ہائی بلڈپریشر، شوگر والے اور خون پتلا کرنے کی دوائی کھانے ولاے گوند کتیرا کے استعمال سے پہلے ڈاکٹر سے مشورہ ضرور کریں۔

نوٹ۔ صرف چار دن کے استعمال سے مجھے یوں لگتا ہے میرا پورا جسم نرم ہوگیا ہے، پیٹ اتنا ہلکا ہوگیا ہے جیسے پتھر باندھے ہوئے تھے جو اتار دیے ہیں اور سوچ بہت مثبت اور تعمیری ہو گئی ہے۔

عبدہ حکیموی