یونان کے خوبصورت اور پُرامن جزیرے ایگتسری پر، ارسلان خرم چیمہ کی جانب سے نیشنل ایگزیکٹو کونسل کے اراکین کے اعزاز میں ایک پرتکلف ظہرانے کا اہتمام کیا۔
یونان : (ڈیلی روشنی نیوز انٹرنیشنل ۔۔۔انصر اقبال بسراء )منہاج القرآن انٹرنیشنل یونان کے صدر، ارسلان خرم چیمہ کی جانب سے نیشنل ایگزیکٹو کونسل (NEC) کے اراکین کے اعزاز میں ایک پرتکلف ظہرانے کا اہتمام کیا گیا۔ یہ تقریب جزیرے کے ساحل پر واقع ایک دلکش مقام پر منعقد ہوئی، جہاں قدرتی مناظر اور سمندر کی ٹھنڈی ہوائیں مہمانوں کے استقبال میں پیش پیش تھیں۔
تقریب میں NEC کے اراکین نے شرکت کی، جنہوں نے تنظیمی اُمور، تعلیمی و تربیتی منصوبوں اور کمیونٹی کی فلاح و بہبود کے حوالے سے تبادلہ خیال کیا۔ ارسلان خرم چیمہ نے اس موقع پر کہا کہ منہاج القرآن کا مقصد صرف مذہبی تعلیمات کی ترویج نہیں بلکہ معاشرتی ہم آہنگی، تعلیمی ترقی اور نوجوانوں کی رہنمائی بھی ہے۔
ایگستری جزیرہ، جو ایتھنز کے بندرگاہ پیریئس سے تقریباً ایک گھنٹے کی فیری سفر پر واقع ہے، اپنی قدرتی خوبصورتی، سرسبز جنگلات اور صاف شفاف پانیوں کی وجہ سے مشہور ہے۔ یہ جزیرہ یونان کے ان پوشیدہ جواہرات میں سے ایک ہے جو سکون اور فطری حسن کے متلاشیوں کے لیے بہترین مقام ہے۔
تقریب کے اختتام پر، شرکاء نے اس پُرسکون ماحول میں منعقدہ اس تقریب کو سراہا اور منہاج القرآن یونان کی قیادت کا شکریہ ادا کیا۔ ارسلان خرم چیمہ نے بھی تمام مہمانوں کا شکریہ ادا کرتے ہوئے اس عزم کا اظہار کیا کہ تنظیم مستقبل میں بھی ایسی تقریبات کا انعقاد کرتی رہے گی جو کمیونٹی کے اتحاد اور ترقی کا باعث بنیں۔
