۔۔۔۔تازہ غزل۔۔۔۔
شاعر۔۔۔شہزادتابش
تازہ غیر مردف غزل
جب سے مرے وجود میں ہے رقص زندگی
مجبوریوں کے دیس میں بیچی نہیں خودی
ماتھے کا ہر نشاں نہیں سجدوں کا ترجماں
کچھ کی دیار سیم پہ ہوتی ہے بندگی
اے آئنہ مثال مجھے اس طرح نہ دیکھ
کھاتی ہے اس طرح ہی سے جسموں کو آگہی
پیتے ہیں روز خون تہی دست کا یہاں
ایوان و اقتدار کی فطرت درندگی
کچھ داعئیانِ تزکیۂ نفس ہیں کہ جو
پاکیزگی میں ڈھونڈتے ہیں صرف گندگی
کاذب یہاں پہ اس قدر شعلہ بیان ہیں
سچ کو مٹائیں تھام کے دامان شستگی
اپنے فنونِ ادبیہ پھر عیب کیوں نہ ہوں
دامن کے تار تار سے جب جھانکے مفلسی
تابشِ ہجوم خرکۂ سالوس بے لگام
ہوتے ہیں شر کی راہ پر ہی گامزن سبھی
