۔۔۔۔ تازہ غزل۔۔۔۔
شاعر۔۔۔شہزاد تابش
جب ترا نام مرے ورد زباں ہوتا ہے
اپنے پہلو میں ستاروں کا گماں ہوتا ہے
آپ تو ماہرِ گفتار ہیں کر سکتے ہیں
درد کب خاک نشینوں سے بیاں ہوتا ہے
بعد جس کے تھا کبھی سانس بھی لینا مشکل
مجھ کو معلوم نہیں اب وہ کہاں ہوتا ہے
ہاتھ رکھنے سے تو معلوم نہیں ہو سکتا
درد اٹھتا ہے تو چہرے سے عیاں ہوتا ہے
ہر نئے عزم کو تخریب جنم دیتی ہے
یوں ہی آباد نیا ایک جہاں ہوتا ہے
جب ابھرتا ہے تری یاد کا منظر کوئی
فکر گھر بار میں وہ جل کے دھواں ہوتا ہے
ایسے مستور ہے وہ روح کے زندانوں میں
جو کبھی خوں کبھی آنکھوں سے رواں ہوتا ہے
رہتا ہے تبسم مرے ہونٹوں پہ ہمیشہ
درد لیکن میرے سینے میں نہاں ہوتا ہے
نقش مٹتا ہے کہاں موت کے ہاتھوں تابشِ
ہر نئی سانس میں ہی میرا نشاں ہوتا ہے
