۔۔۔۔۔ غزل  ۔۔۔۔۔

شاعر  ۔۔۔۔۔۔۔۔۔ شہزاد تابش

جب بھی زمیں پہ  آہ و فغاں  بولنے  لگے

میری   غزل  میں  سوزِ  نہاں  بولنے  لگے

اس دور پر فتن میں تو جینا ہوا   محال

زاہد  کے  ہر  بیاں  سے  بتاں  بولنے   لگے

جب وقت کی تپش نےکیاپتھروں کوموم

شیشے بھی پتھروں کی زباں  بولنے  لگے

جب شہر بدگماں میں چلی  باد حق   نوا

مدقوق  جسم   نوک   سناں   بولنے   لگے

ایسی نزاع  کا  ہوتا  نہیں  کوئی  فیصلہ

ہر بات  پہ  جو  تیر  و  کماں  بولنے   لگے

میں نے تو ذکر اہل ستم یوں  ہی کر   دیا

کچھ  مار آستیں  تھے  جہاں  بولنے  لگے

تابشِ میں چپ ہواتومسافت کی داستاں

پیروں  پہ  آبلوں  کے  نشاں   بولنے   لگے

شہزاد تابشِ

21/9/25