مولانا رومی رحمۃ اللہ علیہ بیان کرتے ہیں کہ

ہالینڈ(ڈیلی روشنی نیوز انٹرنیشنل)مولانا رومی رحمۃ اللہ علیہ بیان کرتے ہیں کہ ایک نیاز مند کثرت سے ذکر الہی کرتا رہتا تھا حتی کے ایک دن اس پرخلوص ذکر سے اس کے لب شریں ہوگئے …..!!!

 (پھر ایک دن) شیطان نے اس کو وسوسے میں مبتلا کردیا (کہ تو) بے فائدہ ذکر کی کثرت کررہا ہے، تو اللہ اللہ کرتا رہتا ہے جبکہ اللہ تعالی کی طرف سے لیبک کی آواز ایک بار بھی نہیں آئی اور نہ ہی اللہ تعالی کی طرف سے کوئی جواب ملتا ہے پھر یک طرفہ محبت کی پینگ بڑھانے سے کیا فائدہ یہ اس بات کی دلیل ہے کہ تیرا ذکر الہی اللہ کے ہاں قبول نہیں…….شیطان کی ان پرفریب باتوں سے صوفی نے ذکر کرنا چھوڑ دیا شکستہ دل و افسردہ ہوکر سوگیا۔ (پر) آنکھ سو گئی اور قسمت جاگ گئی.

عالم خواب میں دیکھا کہ حضرت خضر علیہ السلام تشریف لائے اور انہوں نے دریافت کیا کہ ذکر الہی سے غفلت کیوں کی ,اے نیک بخت تونے ذکر حق کیوں چھوڑ دیا آخر تو اس ذکر پاک سے پشیمان کیوں ہوگیا ہے……؟؟ اس نے کہا بارگاہ الہی سے مجھے کوئی جواب ہی نہیں ملتا اس سے دل میں خیال آیا کہ میرا ذکر قبول نہیں ہورہا۔

حضرت خضر علیہ السلام نے فرمایا کہ تمہارے لیے اللہ تعالی نے یہ پیغام بھیجوایا ہے کہ تمہارا اللہ تعالی کے ذکر میں مشغول ہونا اور دوسرا تمہارا پہلی دفعہ اللہ کہنا قبول ہوتا ہے تب دوسری بار تجھے اللہ کہنے کی توفیق ملتی ہے اور تمہارے دل میں یہ جو سوز و گداز ہے اور میری چاہت محبت و تڑپ ہے یہی تمہارے ذکر کی قبولیت کی نشانی ہے۔

اے بندے میری محبت میں تیری یہ تدبیریں اور محنتیں سب ہماری طرف سے جذب و کشش کا ہی عکس ہیں۔

اے بندے تیرا خوف اور میری ذات سے تیرا عشق ہی میرا انعام ہی ہے اور میری ہی مہربانی و محبت کی کشش ہے کہ تیری ہر بار یا اللہ کی پکار میں میرا لبیک شامل ہوتا ہے۔ تمہارے ذکر کے قبولیت کی نشانی یہی ہے کہ تمہیں ذکر حق میں مشغول کردیا ہے۔

جان جاھل زیں دعا جز دور نیست

زانکہ یارب گفتش دستور نیست

“ایک جاھل و غافل ذکر حق اور دعا مانگنے کی توفیق سے محروم رہتا ہے۔”

مولانا رومی رح فرماتے ہیں کہ اللہ عزوجل کے ذکر کا اجر خود اس ذکر میں ہی پوشیدہ ہوتا ہے اللہ تعالی اپنے ذکر اور اپنی یاد کی توفیق اسی کو عطا کرتے ہیں جس سے خوش ہوتے ہیں اور یہی اسکی قبولیت کی دلیل ہے…!!   [حکایت_رومی_رح]

اچھی باتیں کوئی بھی شیئر نہیں کرتا ناچ گانے اور گناہ کی باتیں شیئر کرتے ہیں برائے مہربانی لائک شیئر اور فالو کر لیں شُکریہ