جدہ: سعودی عرب میں ملازمتیں فراہم کرنے والے اداروں کے لیے نئے ضوابط جاری کر دیے گئے ہیں۔
تفصیلات کے مطابق سعودی وزارت افرادی قوت و سماجی بہببود نے ریکروٹنگ کمپنیوں و ایجنسیوں کی سروس کو معیاری اور مؤثر بنانے کے لیے نئے ضوابط جاری کر دیے۔
عرب میڈیا کے مطابق وزارت افرادی قوت و سماجی بہبود کی جانب سے جاری بیان میں کہا گیا ہے کہ ریکروٹنگ ایجنسیوں کو مطلوبہ افرادی قوت کی فراہمی کا دورانیہ محدود کرنا ہوگا، وزارت کی جانب سے افرادی قوت طلب کرنے والے صارفین کے حقوق کے تحفظ کو یقینی بنانے کے لیے ضمانتیں بھی جاری کر دی گئیں۔
وزارت نے کہا کہ افرادی قوت طلب کرنے والوں کی شکایات تیزی سے حل کرنا ہوں گی اور درآمدی عمل میں شفافیت کی شرح بڑھانا ہوگی، اور متعلقہ فریقوں کی خوش نودی کے حوالے سے اقدامات کرنا ہوں گے۔
ریاض ایئرپورٹ کے حوالے سے اہم خبر
اخبار 24 کے مطابق وزارت افرادی قوت مملکت کے اندر اور باہر ریکروٹنگ کمپنیوں و ایجنسیوں کی کارکردگی اچھے طریقے سے مانیٹر کرے گی، اور ان کی کارکردگی جانچنے کے لیے مقررہ نظام کے مطابق اقدامات کرے گی۔
