اسرو کی جانب سے دعویٰ سامنے آیا ہے کہ چندریان تھری نے چاند کے جنوبی حصے پر آکسیجن کا پتا لگا لیا ہے، ہائیڈروجن کی تلاش بھی جاری ہے۔
غیرملکی میدیا رپورٹس کے مطابق بھارتی مشن چندریان تھری نے چاند پر آکسیجن دریافت کرلیا ہے جب کہ اس کے ساتھ ساتھ سلفر کی موجودگی کا بھی پتا چلا ہے، انڈین اسپیس ریسرچ آرگنائزیشن کی جانب سے 29 اگست کو سوشل میڈیا پلیٹ فارم ایکس پر اس کامیابی کے حوالے سے آگاہ کیا گیا۔
اسرو کی پوسٹ بتایا گیا ہے کہ مشن کے رووَر پر لگے پے لوڈ کے ذریعے چاند کے جنوبی حصے میں آکسیجن اور سلفر کی موجودگی کی تصدیق ہوئی ہے جب کہ جنوبی قطب میں ہائیڈروجن کی تلاش جاری ہے۔
بھارتی خلائی ادارے کا مزید کہنا تھا کہ ’’اِن-سیٹو سائنسی تجربات کا سلسلہ جاری ہے، پہلی اِن-سیٹو میجرمنٹس کے ذریعے رووَر پر لگی مشین ’لیزر-انڈیوسڈ بریک ڈاؤن اسپیکٹروسکوپ‘ (ایل آئی بی ایس) واضح طور پر ثابت کرتا ہے کہ چاند کے جنوبی قطب میں سلفر موجود ہے،
پوسٹ میں کہا گیا کہ ’’الومنیم، کیلشیم، آئرن، کرومیم، ٹائٹانیم، مینگنیز، سلیکان اور آکسیجن کا بھی پتہ چلا ہے جب کہ ہائیڈروجن کی تلاش جاری ہے۔‘‘
Hello earthlings! This is #Chandrayaan3's Pragyan Rover. I hope you're doing well. I want to let everyone know that I'm on my way to uncover the secrets of the Moon 🌒. Me and my friend Vikram Lander are in touch. We're in good health. The best is coming soon…#ISRO pic.twitter.com/ZbIgvy22fv
— ISRO InSight (@ISROSight) August 29, 2023
اسرو نے اس بات کا بھی انکشاف کیا کہ ایل آئی بی ایس نامی یہ پے لوڈ بنگلورو واقع اِسرو کی تجربہ گاہ الیکٹرو-آپٹکس سسٹمز (ایل ای او ایس) میں تیار کیا گیا ہے، اسرو کی جاری کردہ نئی معلومات سے سائنسدان کافی خوش نظر آتے ہیں۔