جامن گرمیوں میں پایا جانے والا پھل ہے جو بے پناہ خصوصیات کا حامل ہے، کیا آپ اس پھل کے جادوئی فوائد سے آگاہ ہیں۔
یہ پھل ایسی خصوصیات کا حامل ہے جو انسانی جسم کو مختلف بیماریوں سے دور رکھتا ہے۔ جن میں معدے، آنتوں، بلڈ پریشر اور شوگر، اور نظامِ انہظام کی بیماریاں شامل ہیں۔ اس پھل کے صحت پر ایسے فوائد جانیئے جو آپ کو یہ پھل کھانے پر مجبور کر دیں گے
ہیموگلوبن کو بہتر بنائے
وٹامن سی اور آئرن سے بھرپو جامن ہیموگلوبن کو بڑھاتا ہے، ہیموگلوبن کی زیادہ مقدار کے باعث آپ کا خون اعضا تک زیادہ آکسیجن لے جائے گا اور آپ کو صحت مند رکھے گا۔
ذیابیطس کے لئے نہایت موثر
جامن شوگر کی علامات بشمول پیشاب کی زیادتی اور پیاس کو دور کرتا ہے۔ اس میں گلیسیمک انڈیکس کا تناسب کم ہوتا ہے، جو خون میں شکر کی سطح کو معتدل رکھتا ہے، اس کے علاوہ بیج، چھال اور پتوں کو ذیابیطس کے علاج کے لیے استعمال کیا جا سکتا ہے۔
معدے کی صحت کو کرنے میں مددگار
جامن ہاضمے کی خرابی کے علاج میں مدد کر سکتا ہے، جسم اور نظام انہضام کو ٹھنڈا رکھتے ہیں اور قبض سے نجات دلاتے ہیں۔
کینسر سے بچانے میں معاون
جامن میں اینٹی آکسیڈنٹس کی مقدار زیادہ ہوتی ہے جو جسم سے کینسر پیدا کرنے والے زہریلے مادے اور آزاد ریڈیکلز کو باہر نکالنے میں مدد کرتے ہیں۔
اس کے علاوہ جامن میں فائٹو کیمیکلز، فلیوونائڈز، پولی فنول، آنتوسیانین اور گیلک ایسڈ جیسے اجزا کینسر اور سرطان پیدا کرنے والی سرگرمی کے خطرے کو کم کرنے میں مدد کرتے ہیں۔
جامن سوزش کش ہے، جو کینسر کے خلیوں کی نشو و نما اور پھیلاؤ کو روکتا ہے۔ مختلف مطالعات سے ثابت ہوا ہے کہ جامن جسم میں کینسر کی رسولیوں کی جسامت کو کم کرتا ہے۔
جامن کے پتے اور اسہال
اگر آپ کو اسہال کی مختلف علامات کا سامنا ہے تو پریشان ہونے کی ضرورت نہیں۔ اسہال کی کوئی بھی صورت ظاہر ہونے کی صورت میں جامن کے درخت کے اڑھائی پتے، جو زیادہ نرم ہوں اور نہ زیادہ سخت، پیس کر تھوڑا سا نمک ملانے کے بعد گولیاں بنا لیں۔ ایک گولی صبح شام استعمال کرنے سے کسی بھی قسم کے اسہال رک جائیں گے۔
