پینک ڈس آرڈر کیا ہے ؟۔ Anxiety / Panic Disorder
تحریر۔۔۔ڈاکٹراختر ملک
ہالینڈ(ڈیلی روشنی نیوز انٹرنیشنل ۔۔۔ پینک ڈس آرڈر کیا ہے؟۔۔۔ تحریر۔۔۔ڈاکٹر اختر ملک) یہ ایک نفسیاتی ڈس آرڈر ہے،اور یہ انزائٹی کی ایک قسم ہے جس میں مریض کو پینک اٹیک میں اچانک حلق میں کچھ پھنسا ہوا لگنا اور سانس رکتی ہوئی محسوس ہونا، موت کا خوف طاری ہونا اور لمبی لمبی سانس لینا جیسا کہ سانس رک رہی ہو اور دل بیٹھتا محسوس ہونا، حتی کہ سینے پر بوجھ یا بازو میں درد محسوس ہونا وغیرہ علامتیں شامل ہیں، باقی پینک اٹیک چند سیکنڈ یا منٹ کےلئے آتا ہے۔ اس کے بعد متاثرہ افراد بلکل نارمل ہو جاتا ہے۔
پینک اٹیک کا مسلئہ عموماً مردوں کی نسبت عورتوں میں زیادہ پایا جاتا ہے ۔اور یہ مسئلہ ہر عمر میں ہو سکتا ہے۔
یہ ایک نیروسس ڈس آرڈرز ہے، اور کچھ لوگوں میں سائیکوٹک انزائٹی جیسی کیفیت بھی ہو سکتی ہے ۔
دو قسم کے نفسیاتی مسئلے ہوتے ہیں
پہلی قسم میں مریض کو اپنے مسئلے کے بارے میں پتہ ہوتا ہے جیسا کہ ڈیپریشن ، انزائٹی اور او سی ڈی وغیرہ اسکی مثالیں ہیں اس میں مریض زیادہ تر علاج کروانے کے لیے راضی ہوتا ہےاور اسے نیروسس ڈس آرڈرز (Neurosis Disorder ) کہتے ہیں
دوسری قسم میں مریض کو اپنے مسئلے کے بارے میں نہیں پتہ ہوتا اور نہ ہی وہ علاج کروانے کے لیے راضی ہوتا ہے اور نہ کوئی میڈیسن کھانے کے لیے راضی ہوتا ہے اسےسائیکو ٹک ڈس ارڈرز (Psychotic Disorders) کہتے ہیں جیساکہ سکیزو فرینیا اور بائی پولر ڈس آرڈر وغیرہ، اس میں مریض کے گھر والے ہی مریض کا علاج کرواتے ہیں اور زیادہ تر میڈیسن مریض کو کسی چیز میں چھپا کے دیتے ہوتے ہیں۔
بہرحال ایک ہی وقت میں مریض کو ایک سے زیادہ بھی نفسیاتی مسائل بھی ہو سکتے ہیں۔
پینک ڈس آرڈر کی وجوہات
اسکی وجوہات ہر شخص میں مختلف ہو سکتی ہے جیسےکہ
1: اعصابی یا نفسیاتی مسائل کی خاندانی تاریخ
2: بڑا تناؤ جیسے کوئی حادثہ یا کسی عزیز کی موت
3: کسی وجہ سے دماغ کی کیمیائی تبدیلیاں
4:جنسی یا جسمانی استحصال کی تاریخ
5: جذباتی خلل اور بچپن کے صدمات وغیرہ
پینک ڈس آرڈر کی علامات
پینک اٹیک کے ٹائم زیادہ تر لوگ گھبراہٹ کی علامات ظاہر کرتے ہیں، پھر بھی یہ نہیں سمجھ پاتے کہ ان کے ساتھ کیا ہو رہا ہے۔ بار بار پینک اٹیک کو پینک ڈس آرڈر کہتے ہیں ،اور پینک ڈس آرڈر کی علامتیں ہر شخص میں کچھ مختلف بھی ہو سکتی ہے۔
1: گھبراہٹ اور دل کی دھڑکن کا زیادہ ہونا
2:پسینہ آنا اور سینے میں جکڑن یا درد محسوس کرنا
3:غیر ضروری طور پر آنے والے خطرے کو محسوس کرنا
4:کانپنے اور بولنے کا مسلئہ ہونا
5:سانس لینے میں دشواری کا ہونا
6: چکر آنا اور سر درد ہونا
7:پیٹ میں مڑور ، درد ہونا
8:متلی کا ہونا اور گلے میں کوئی چیز اٹکی ہوئی لگنا
9: جسم کا سن ہو جانا
10: اپنے اندر خطرناک ترین بیماریاں محسوس کرنا جیسے دل کا مسلئہ ہونا ، ہارٹ اٹیک وغیرہ
پینک ڈس آرڈر کی تشخیص
اس کی تشخیص ہسٹری اور علامتوں سے کی جاتی ہے اور کچھ لیب ٹیسٹ بھی کیے جاتے ہیں جیسے کہ
(ECG, thyroid profile test etc )
اس میں سب لیب ٹیسٹ نارمل آتے ہیں کیونکہ یہ نفسیاتی مسلئہ ہے ، لیکن پینک اٹیک کے ٹائم دل کی دھڑکن زیادہ آ سکتی ہے ای سی جی میں)
پینک ڈس آرڈر کا علاج
اسکا کا علاج کرنا لازمی ہے کیونکہ اس سے متاثرہ افراد کی زندگی متاثر ہوئی رہتی ہے۔ اس میں کوئی شرم یا ہچکچاہٹ والی بات نہیں ہوتی۔ اس کے علاج کیلئے سائیکالوجسٹ سے سیشن بھی لیے جاسکتے ہیں، اور اگر سیکو تھراپی سے فائدا نہ ہو یا مہینے میں ایک سے زیادہ دفعہ پینک اٹیک کا مسلئہ ہو تو پھر اسکا میڈیکل علاج کروانا چاہیے اور ڈاکٹر کے مشورے سے اینٹی ڈپریسنٹ ادویات کا کورس پورا کرنا چاہیے۔
نوٹ:
اگر پینک اٹیک یا ڈس آرڈر کا بروقت علاج نہ کیا جائے تو یہ دائمی مسائل جیسے ڈیپریشن ، دائمی انزائٹی اور آئی بی ایس یعنی پیٹ کا خراب ہونا کا موجب بن سکتی ہے،
پینک اٹیک کی روک تھام
پینک اٹیک کے حملوں کو کئی طریقوں سے روکا جا سکتا ہے، جن میں سے کچھ کا ذکر ذیل میں کیا جا رہا ہے۔
1:پیشہ ورانہ مدد طلب کریں۔ یعنی ڈاکٹر یا سائیکالوجسٹ سے رجوع کریں ۔
2:تجویز کردہ اینٹی ڈپریسنٹ دوائیں لیں۔
3:کیفین کی مقدار کو کم کریں۔
4: صحت مند غذا کھائیں۔ اور ضروری وٹامنز جیسے وٹامن ڈی اور بی 12 کے لیب ٹیسٹ کروا کے انکی کمی کو سپلیمنٹس سے پورا کیا جائے۔
5: گھبراہٹ کے حملے سے کیسے نمٹا جائے ؟
کچھ دیر کے لیے اپنی آنکھیں بند کر لیں اور لمبے گہرے سانس (Deep breathing) لیں اس بات کو اپنے ذہن میں لائیں کہ آپ کو پینک اٹیک آرہا ہے اور یہ آپ کی صحت کے لیے زیادہ خطرے کا باعث نہیں ہے ، اس بات کو بھی اپنے ذہن میں رکھیں کہ پینک اٹیک عارضی ہے جو کچھ سیکنڈ یا منٹ کے بعد خود بخود ٹھیک ہو جائے گا، اور اعصاب کو پر سکون کرنے والی ورزش کریں اپنی منفی سوچوں کو چیلنج کرنے کی عادت ڈالیں، شکریہ
Regards Dr Akhtar Malik
Follow me Akhtar Rasheed
