خصوصی کلام

رضیہ سبحان

ہنستے ہوئے گزرے کبھی روتے ہوئے گزرے

ہم زیست کی راہوں سے یوں ہوتے ہوئے گزرے

ہر رمز_ محبت سے یوں انجان رہے ہیں

اک لمحہء دیدار بھی کھوتے ہوئے گزرے

زد میں غم_ دوراں کی ہیں ہم ایسے کہ جیسے

طوفان سفینے کو ڈبوتے ہوئے گزرے

احباب تو دانستہ رہے ہم سے گریزاں

اک ہم کہ انہیں دل میں سموتے ہوئے گزرے

چھوڑا تو نہیں ضبط کا دامن دم_ رخصت

آنچل کو مگر دل کے بھگوتے ہوئے گزرے

کیا فائدہ اس درد بھری عمر کا رضیہ

پلکوں میں اگر اشک پروتے ہوئے گزرے

رضیہ سبحان