پاکستان کرکٹ ٹیم کے اسٹار فاسٹ بولر حارث رؤف نے زندگی کی نئی اننگ شروع کردی اور اپنی دلہن مزنا مسعود کو بیاہ کر گھر لے آئے ولیمے کی تقریب آج ہوگی۔
اے آر وائی نیوز کے مطابق پاکستان کرکٹ ٹیم کے اسٹار فاسٹ بولر حارث رؤف جن کا اپنی کلاس فیلو مزنا مسعود سے گزشتہ سال دسمبر میں نکاح ہوا تھا اب اپنی محبت کو دلہن بنا کر گھر لے آئے ہیں۔
حارث مسعود گزشتہ شب دیدہ زیب کالی شیروانی زیب تن کرکے شاہانہ انداز میں دوست اور رشتے داروں کے ہمراہ بارات لے کر گئے تھے۔ جہاں دلہن والوں نے باراتیوں کا پُرتپاک استقبال کیا۔ دلہن مزنا نے مرون رنگ کا بھاری بھرکم روایتی شرارہ سوٹ زیب تن کیا تھا۔
بارات روانگی سے قبل کالے بکروں کا صدقہ دیا گیا جب کہ اس موقع پر فاسٹ بولر کے دوستوں نے اس موقع پر خوب رونق لگائی اور بھنگڑے ڈالے۔
حارث رؤف کی بارات میں تو ساتھی کرکٹر موسم کی خرابی کے باعث اسلام آباد نہیں پہنچ سکے تاہم امید ہے کہ اؔٓج کئی قومی کرکٹرز ان کی دعوت ولیمہ میں شرکت کریں گے۔
قومی فاسٹ بولر کی شادی کی تقریبات کا آغاز دو روز قبل قوالی نائٹ اور ڈھولکی سے ہوا تھا جس میں چکن کا نیلا کرتا اور پاجامہ پہن کر دولہا میاں نے قوالوں کے ساتھ سُر میں سُر ملائے اور خوب محظوظ ہوئے جب کہ مہندی کی تقریب میں ہیوی بائیک اور گھوڑے پر بیٹھ کر انٹری دی تھی۔
حارث رؤف کی بارات میں تو ساتھی کرکٹر موسم کی خرابی کے باعث اسلام آباد نہیں پہنچ سکے تاہم امید ہے کہ اؔٓج کئی قومی کرکٹرز ان کی دعوت ولیمہ میں شرکت کریں گے۔
قومی فاسٹ بولر کی شادی کی تقریبات کا آغاز دو روز قبل قوالی نائٹ اور ڈھولکی سے ہوا تھا جس میں چکن کا نیلا کرتا اور پاجامہ پہن کر دولہا میاں نے قوالوں کے ساتھ سُر میں سُر ملائے اور خوب محظوظ ہوئے جب کہ مہندی کی تقریب میں ہیوی بائیک اور گھوڑے پر بیٹھ کر انٹری دی تھی۔
بارات اور شادی کی دیگر تقریبات کی تصاویر اور ویڈیو سوشل میڈیا پر بھی وائرل ہوگئیں۔a
