ایشین یوتھ گرلز نیٹ بال چیمپئن شپ میں پاکستان گرلز ٹیم نے  مسلسل چوتھی کامیابی حاصل کرلی۔

ایشین یوتھ گرلز نیٹ بال چیمپئن شپ کے دوران پاکستانی ٹیم جاپان کو بھی شکست دےکر سیمی فائنل میں پہنچ گئی۔

پاکستان گرلز نیٹ بال ٹیم نے 39 کے مقابلے 79 گول سے کامیابی حاصل کی اور چاروں کواٹرز میں برتری قائم رکھی۔

جنوبی کوریا میں جاری چیمپئن شپ میں یہ  پاکستان گرلز ٹیم کی مسلسل چوتھی کامیابی ہے جس کے بعد اب  پاکستان کل مالدیپ کے خلاف کھیلے گا۔

مزید برآں پاکستان پول بی میں8  پوائنٹ کے ساتھ سہرفہرست ہے۔