۔۔۔۔۔۔۔۔ غزل  ۔۔۔۔۔۔۔۔۔

شاعر  ۔۔۔۔۔۔۔۔۔ سلیم کوثر

میں تو دشمن کے بچھڑنے پہ بھی رویا ہوں بہت

تو  تو  پھر  یار  ہے  اور  یار  بھی  جذباتی  ہے

اس قدر رات گئے، کون ملاقاتی ہے

ایسا لگتا ہے کوئی یاد چلی آتی ہے

میں نے چاہا، نہ کہا اور نہ خواہش کبھی کی

تیرے کوچے میں تیری آب و ہوا لاتی ہے

یہ ستارے تو یونہی ساتھ چلے آئے ہیں

ورنہ یہ چاند اکیلا میرا باراتی ہے

میں تو دشمن کے بچھڑنے پہ بھی رویا ہوں بہت

تو تو پھر یار ہے اور یار بھی جذباتی ہے

کس قدر گھاؤ ہیں، معلوم نہیں ہے کہ ابھی

جسم سے روح کا رشتہ تو مضافاتی ہے

ہائے! کیا لوگ تھے، پامال ہوئے میرے لیے

اور کہنے کو میرا سارا سفر ذاتی ہے

صفحہ دہر پہ فطرت نے لکھا ہے میرا نام

تم سمجھتے ہو کہ یہ فیصلہ لمحاتی ہے؟

#شہباز