13 ستمبر…… آج انور حسین کی 12ویں برسی ہے۔

ہالینڈ(ڈیلی روشنی نیوز انٹرنیشنل )انور حسین سابق مشرقی پاکستان (اب بنگلہ دیش) کے ایک مشہور اداکار تھے۔ وہ فلم نواب سراج الدولہ میں اپنے اب تک کے بہترین تاریخی ٹائٹل رول کے لیے مشہور تھے، جو 23 مارچ 1967 کو عیدالاضحیٰ اور یوم پاکستان پر ریلیز ہوئی تھی۔ یہ فلم مشرقی پاکستان میں بنگالی زبان میں اور مغربی پاکستان میں اردو زبان میں ریلیز ہوئی تھی۔ اور دونوں جگہ یہ دونوں ورژن میں ایک سپر ہٹ گولڈن جوبلی فلم تھی۔

انور حسین کو 1961 میں بنگالی فلم تومار امار میں متعارف کرایا گیا، انہوں نے ڈھاکہ کی 11 اردو فلموں میں کام کیا۔ انہوں نے دو فلموں میں ٹائٹل رول ادا کیے، نواب سراج الدولہ (1967) اور شہید تیتو میر (1969)۔ بندھن (1964) ان کی پہلی اردو فلم تھی۔ ان کی دیگر اردو فلمیں کاجل (1965)، اجالا، بھیا (1966)، تم میرے ہو، جہاں باجے شہنائی (1968)، جینا بھی مشکل، کنگن (1969) اور مینا (1970) تھیں۔ انہوں نے 500 سے زیادہ بنگلہ فلموں میں کام کیا اور انہیں بنگالی سنیما کے بے تاج شہنشاہ کے طور پر جانا گیا۔ انہوں نے بنگلہ دیش میں بہترین اداکار کے طور پر تمام اہم ایوارڈز حاصل کیے اور فلم نواب سراج الدولہ (1967) میں اپنی اداکاری کے لیے خصوصی نگار ایوارڈ حاصل کیا۔

انور حسین 6 دسمبر 1931 کو جمال پور میں پیدا ہوئے اور 13 ستمبر 2013 کو ڈھاکہ میں انتقال کر گئے۔

ان کی اردو فلموں کی فہرست یہ ہیں: ناچ گھر، بندھن، کاجل، کیسے کہوں، سات رنگ، روپبان، بھیا، پروانہ، نواب سراج الدولہ، شہید تیتومیر، جینا بھی مشکل، کنگن اور مینا