لاہور: انسداد دہشتگردی عدالت نے 9 مئی کیس کے غیر حاضر ملزمان کے خلاف کارروائی کا آغاز کردیا۔ 

لاہور کی انسداد دہشتگردی عدالت میں 9 مئی سے متعلق کیسز کی سماعت ہوئی جس دوران عدالت نے عدم حاضری پر  2 مقدمات میں 8 ملزمان کے وارنٹ گرفتاری جاری کر دیے۔

عدالت نے خدیجہ شاہ کے جناح ہاؤس اور عسکری ٹاور حملہ کیس میں وارنٹ جاری کیے جب کہ ملزم عمران اور فائزہ عظمت کے جناح ہاؤس حملہ کیس میں وارنٹ گرفتاری جاری کیے۔

اس کے علاوہ ملزم عثمان، احمد مرسلین، حمزہ سہیل اور محمد خالد کےعسکری ٹاور حملہ کیس میں وارنٹ جاری کیے گئے۔

جناح ہاؤس کیس میں ملزم عبد الرزاق اور ملزم صفدر کے خلاف اشتہاری کی کارروائی شروع کردی گئی ہے۔