حضور قلندر بابا اولیاء ؒ کے حوالے سے

 ایک روز مرشد کریم ؒ نے فرمایا کہ

ہالینڈ(ڈیلی روشنی نیوز انٹرنیشنل )پوری کائنات طبقاتی تقسیم ہے ۔ اس میں زون ہیں ۔ لوگ گروہوں میں رہتے ہیں ۔ گروہ بندی کے بغیر گزارہ بھی نہیں ۔

حضور قلندر بابا اولیاء ؒ کے حوالے سے مرشد کریم نے فرمایا! کہ قیامت اور روزِ حشر میں بھی لوگ اپنے اپنے گروہوں میں اکٹھے ہونگے ۔ حساب کتاب کے بعد جب لوگوں میں آہ و فغاں مچے گی تو اللّٰہ تعالٰی دریافت کریں گے کہ یہ شور کیسا ہے ؟ مقرب بارگاہ اولیاء اور فرشتے عرض کریں گے !

“حضور آپ کے بندے ۔۔۔آپ کی مخلوق ۔۔۔۔تکلیف میں ہے ۔ اس پر اللّٰہ تعالٰی دریافت کریں گے ہم نے ان کو صحیح بات سے آگاہ نہیں کر دیا تھا۔عرض کی جائے گی ۔ بس جی غلطی ہو گئی ۔۔۔نادانی میں ۔ مرشد کریم نے فرمایا ،، حضور قلندر بابا اولیاء ؒ نے یہ بڑی عجیب بات فرمائی کہ اللّٰہ کسی کو دوزخ میں نہیں ڈالیں گے ۔ کہیں گے ،، اچھا جاؤ۔۔۔ ہٹو یہاں سے۔۔۔اور جنتی لوگ خود ہی جنت کی طرف چل دیں گے ،اور دوزخی دوزخ کی طرف ، اللّٰہ تعالٰی کسی کو دوزخ میں نہیں ڈالیں گے لوگ خود ہی دوزخ کا انتخاب کریں گے ۔ اور پھر دوزخ میں جاکر جب لوگ چیخ و پکار کریں گے اور واویلا مچائیں گے تو اللّٰہ تعالٰی کی رحمت جوش میں آئے گی اور دریافت کیا جائے گا اب کیا ہے ؟

عرض کیا جائے گا آپ کی مخلوق تکلیف میں ہے ۔

فرمایا ! یہ سن کر اللّٰہ جہنم کو ٹھنڈا ہونے کا حکم دیں گے

اور جہنم کی آگ سرد پڑ جائے گی ۔۔۔۔۔۔!!!

کتاب: باتیں میرے مراد کی

ڈاکٹر مقصود الحسن عظیمی