۔۔۔۔۔۔۔ تازہ غزل ۔۔۔۔۔۔۔

شاعر  ۔۔۔۔۔۔۔۔۔  شہزاد تابش

سلطان  اندھیروں  کے  سفر  بانٹ  رہے  ہیں

ہم پھر بھی اجالوں کے  نگر  بانٹ  رہے  ہیں

جس چھاؤں میں جلتے ہیں خدوخال ہمارے

کیوں دوست یہاں ایسے شجر بانٹ رہے  ہیں

یہ بھی تو غنیمت ہے یہاں خود کو بھلا  کر

کچھ  لوگ  محبت  کے   ثمر  بانٹ  رہے  ہیں

کیوں چھین کےسورج مراکچھ اہل سخاوت

اپنوں میں مرے شمس و قمر بانٹ  رہے  ہیں

آ  بیٹھ  کے  سوچیں  کہ   یہ   تاریک   اجالے

ایسا   تو   نہیں   اہل  نظر   بانٹ   رہے   ہیں

الفاظ  تو  ہوتے  ہیں  فقط  معنی  کا   غنچہ

ہم غنچوں میں لہجوں کا اثر  بانٹ  رہے  ہیں

ان تنگ گھروندوں کے  لیے حبس میں تابشِ

ہم  تازہ  ہواؤں   کے   نگر   بانٹ   رہے   ہیں

شہزاد تابشِ

30/9/2025