غزل

شاعر۔۔۔ناصر نظامی

موم کا گھر ہوں نہ دے دھوپ کی ، دعا مجھ کو

میں جل چکا ہوں بہت اور نہ جلا مجھ کو

میں جل رہا ہوں ابھی، بجھ کے ہوا راکھ نہیں

ا پنے دامن کی ذرا اور دے ، ہوا مجھ کو

اب تو ہر شخص ہی، خود کو خدا سمجھتا ہے

ہے کوئی آ دمی تو اے خدا ، دکھا مجھ کو

ا س نے چھینی، میری آنکھوں کی پہلے بینائی

پھر دیا دیکھنے کو ا س نے ، آ ئینہ مجھ کو

میں ہوں احساس کی کرنوں کا آ ئینہ ناصر

میں ٹوٹ جاؤں گا اتنا نہ کھنکھنا مجھ کو

ناصر نظامی

ایمسٹرڈیم ہالینڈ

08 اکتوبر 2025