پیرس۔    فرانس (ڈیلی روشنی نیوز انٹرنیشنل ۔۔۔نمائندہ خصوصی۔۔۔ منیر احمد ملک)ایک فرانسیسی عدالت نے پیر کے روز فیصلہ سناتے ہوئے سابق صدر نکولا سارکوزی کو عدالتی نگرانی (Judicial Supervision) کے تحت جیل سے رہا کرنے کا حکم دے دیا۔

سارکوزی نے پانچ سال قید کی سزا میں سے تین ہفتے سے بھی کم عرصہ جیل میں گزارا تھا۔ اُنہیں الزام تھا کہ انہوں نے اپنی 2007 کی انتخابی مہم کے لیے سابق لیبیائی آمر معمر قذافی سے غیر قانونی فنڈ حاصل کرنے کی سازش کی تھی۔

عدالت کے مطابق، رہائی کے بعد بھی سارکوزی پر کچھ شرائط لاگو ہوں گی — وہ بیرونِ ملک سفر نہیں کر سکیں گے اور عدالتی نگرانی میں رہیں گے۔

یہ فیصلہ فرانس کی سیاست میں ایک اہم موڑ سمجھا جا رہا ہے، کیونکہ ملک کی تاریخ میں پہلی مرتبہ کسی سابق صدر کو جیل کی سزا دی گئی اور پھر اس طرح عدالتی نگرانی میں رہائی ملی۔   رپورٹ منیر احمد ملک بیورو چیف پیرس فرانس